Kasmanaŭtu ź Biełarusi Alehu Navickamu padaryli kuvałdu PVK «Vahnier»
Uručeńnie prajšło padčas kancerta ŭ honar Dnia Rasii ŭ mikrarajonie Zorny ŭ rasijskim Ivanavie, heta zaŭvažyŭ partał Smartpress.by.
«Alehu Viktaraviču my ŭručajem kuvałdu vahnieraŭskuju. My tak žartujem, tak. Naturalna, my za ŭsio dobraje», — zajaviŭ viadoŭca na scenie. Frahmient pryvioŭ RTVI.
Aleh Navicki naradziŭsia ŭ Červieni Minskaj vobłaści, ciapier źjaŭlajecca rasijskim kasmanaŭtam. Jon trojčy lotaŭ na MKS.
Kuvałda «Vahniera» stała simvałam vajennych złačynstvaŭ rasijskich vajskoŭcaŭ, joj «vahnieraŭcy» publična i biez suda karajuć tych, chto pierad imi praviniŭsia. Ale tyja hramadzianie i palityki, jakim takija mietady daspadoby, achvotna praktykujuć hłaryfikacyju hetaha instrumienta i va ŭłasnaj prapahandzie.
Kamientary