U Viarchoŭnuju Radu Ukrainy ŭnieśli zakonaprajekt ab pryznańni Biełarusi krainaj-ahresaram
Pra rehistracyju ŭ Viarchoŭnaj Radzie zakonaprajekta ab pryznańni Biełarusi krainaj-ahresaram paviedamiŭ deputat Jarasłaŭ Jurčyšyn. Pavodle jaho, heta było zroblena 16 červienia.
«Z pačatku poŭnamaštabnaj ahresii Rasii naša kraina kožny dzień padviarhajecca napadam. Adkaznaść pavinna nieści i kraina, z terytoryi jakoj rasijskaja ahresija ažyćciaŭlajecca, — Respublika Biełaruś», — zajaviŭ deputat Jurčyšyn.
Deputat śćviardžaje, što Ukraina cenić dapamohu pałka Kalinoŭskaha, ale Biełaruś pavinna nieści i jurydyčnuju adkaznaść za złačynstvy.
«Biełaruś jak kraina pavinna nieści jurydyčnuju adkaznaść za złačynstvy, učynienyja na našaj terytoryi. Urešcie, u śviadomaści hramadstva Biełaruś Łukašenki ŭžo daŭno ahresar. Treba dakazać heta i ŭ jurydyčnaj płoskaści. Kab śviet nie sumniavaŭsia, uvodziačy sankcyi», — zajaviŭ Jurčyšyn.
Siarod inšaha Jurčyšyn zhadvaje pra niadaŭna vykazanaje pažadańnie vałanciora i palityka Siarhieja Prytuły, kab paśla pieramohi Ukrainy ŭ vajnie nakłaści reparacyi na biełaruskaje hramadstva za złačynstvy režymu Łukašenki. Zakonaprajekt patrebny ŭ tym liku i «dla pryciahnieńnia biełaruskaha režymu da adkaznaści i budučych reparacyj Ukrainie».
Cichanoŭskaja nie vyklučaje, što paprosić dapamohi asabista ŭ Zialenskaha ŭ vajennym vyzvaleńni Biełarusi
«Kali šalony dyktatar addaść zahad — kidajcie zbroju. Inakš adzinaje, što vas čakaje, — heta śmierć». Na ŭkrainska-biełaruskaj miažy prahučaŭ zvarot pałka Kalinoŭskaha da biełaruskich vajskoŭcaŭ
Kavaleŭski raskazaŭ, pra što havaryŭ z Padalakom
Ciapier čytajuć
Na Mazyrskim naftapierapracoŭčym zavodzie prajšli zatrymańni siarod kiraŭnictva2
Kamientary