«Viedali, dzie spyniŭsia na adpačynak tavaryš hienierał». Ukraincy źniščyli jašče adnaho rasijskaha hienierała
51-hadovy Aleh Cokaŭ byŭ namieśnikam kamandujučaha Paŭdniovaj vajskovaj akruhaj.
Rasija, jak vyhladaje, straciła jašče adnaho pradstaŭnika vyšejšaha kamandnaha składu padčas vajny va Ukrainie. U vyniku ŭdaru pa zapasnym kamandnym punkcie 58-j armii ŭ Biardziansku zahinuŭ namieśnik kamandujučaha Paŭdniovaj vajskovaj akruhaj hienierał-lejtenant Aleh Cokaŭ.
Pra śmierć hienierała hetym razam paviedamlajuć nie tolki ŭkrainskija telehram-kanały, jakija ŭžo «pachavali» jaho ŭ vieraśni 2022 hoda, ale i rasijskija vajenkary.
Adzin ź ich, jaki piša pad psieŭdanimam Rybar, adznačaje prablemy rasijskaj armii z abaronaj ad ukrainskaj raźviedki. Pavodle jaho, pra toje miesca, dzie «spyniŭsia na adpačynak tavaryš hienierał», viedali miascovyja žychary, jakija pieradali infarmacyju ŭkrainskamu boku. Da taho ž «pa abjektach, jakija znachodziacca ŭ tyle ŭ Zaparožskaj i Chiersonskaj abłaściach, sistematyčna viadziecca kaśmičnaja raźviedka… Pra heta ŭsim dakładvajecca. U zvodkach pra heta pišuć. Pa inšych linijach paviedamlajuć. Rekamiendujuć zaścierahać siabie. A atrymlivajecca jak atrymlivajecca».
Aleh Cokaŭ udzielničaŭ va ŭvarvańni Rasii va Ukrainu 24 lutaha 2022 hoda, a taksama byŭ datyčny da naniasieńnia rakietnych udaraŭ pa ŭkrainskich haradach. U kastryčniku 2022 hoda Kijeŭ uvioŭ suprać jaho sankcyi. Da vajny va Ukrainie Cokaŭ braŭ udzieł u dźviuch čačenskich vojnach i bajavych dziejańniach u Siryi. Jon byŭ uznaharodžany dvuma ordenami Mužnaści i ordenam «Za vajennyja zasłuhi».
Da pačatku kontrnastupleńnia Ukrainy 4 červienia była paćvierdžana hibiel čatyroch rasijskich hienierałaŭ, 58 pałkoŭnikaŭ, 176 padpałkoŭnikaŭ.
Ciapier čytajuć
Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom1
Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary