HUBAZiK pachvaliŭsia, što zatrymaŭ chłopca praz kadry ź filma Maminava
Praŭładnyja telehram-kanały paviedamili pra zatrymańnie chłopca, jaki byŭ na kadrach u filmie Juryja Maminava, apublikavanym litoŭskim resursam Delfi.
Chłopiec znachodziŭsia na darozie padčas akcyi, a jahony tvar aŭtary filma nie schavali.
Taksama była, jak paviedamlajecca, zatrymanaja dziaŭčyna chłopca — imavierna, jaje znajšli pa supolnych fotazdymkach z akcyi pratestu ŭ telefonie.
Łukašenkaŭcy traktujuć vychad na prajeznuju častku jak złačynstva, choć heta byŭ mirny i adziny mahčymy sposab pratestu suprać falsifikacyi vybaraŭ i parušeńniaŭ zakonnaści.
Napeŭna, bolšaść ludziej, pakazanych u filmie, užo traplali na zdymki śpiecsłužbaŭ. Ale prablema takich tvoraŭ (jak i z knihaj «Ja vychodžu») u tym, što jany pryciahvajuć dadatkovuju ŭvahu da ludziej, jakija da hetaha mahli trapić u pole zroku śpiecsłužbaŭ. Paśla kožnaha hučnaha tvoru pra pratesty śpiecsłužby pačynali chvali represij suprać tych, chto ŭ im «zaśviaciŭsia».
Takim čynam jany sprabujuć zabić dvuch zajcoŭ: i padtrymać uzrovień strachu siarod biełarusaŭ, i spravakavać kanflikty i kryŭdy ŭ hramadstvie.
Kamientary