Stadler pakul nie zakryvaje svoj zavod u Biełarusi i hatovy jaho pierazapuścić, kali źnimuć sankcyi. Pra heta havorycca ŭ spravazdačy karparacyi za pieršuju pałovu 2023 hoda.
U hetym dakumiencie paviedamlajecca, što pradpryjemstva pad Minskam praciahvaje pracavać u strohaj adpaviednaści z abmiežavalnymi mierami, uviedzienymi suprać Biełarusi.
«Stadler zachoŭvaje zavod u Biełarusi dla taho, kab pierazapuścić jaho, jak tolki sankcyi buduć źniatyja», — adznačana ŭ spravazdačy.
Pradpryjemstva pa vytvorčaści ruchomaha sastavu praciahvaje pracavać na zamovy ad krain postsavieckaj prastory: naprykład, u jaho jość bujnaja doŭhaterminovaja zamova ŭ Kazachstan na 537 vahonaŭ sa spalnymi miescami. Jość taksama pastaŭki ŭ Narviehiju i Aŭstryju.
Ale ŭvohule z-za sankcyj karparacyja spačatku skaraciła vytvorčyja mahutnaści, a potym i zusim zahavaryła ab pieranosie častki vytvorčaści z Fanipala ŭ Polšču i Šviejcaryju.
Čytaj taksama:
Kampanija «Štadler» pakul zastajecca ŭ Biełarusi?
«Štadler Minsk» admoviŭsia pastaŭlać ciahniki dla staličnaha mietro
Ciapier čytajuć
Kamientary