Prapahandyscki resurs apublikavaŭ śpis atrymalnikaŭ hrantaŭ Niamieckaha fondu Maršała za 2018—2019 hady
Siarod pieraličanych u dakumientach — navukovyja, kulturnyja, adukacyjnyja i pravaabarončyja prajekty.
U paviedamleńni ananimnaha prapahandysckaha kanała łukašysckaj skiravanaści pieraličvajucca «niebieźviadomyja nam zachodnija struktury», jakija akazvali padtrymku biełaruskim niedziaržaŭnym arhanizacyjam, a dziasiatki biełaruskich arhanizacyj z sacyjalnaj śfiery, a taksama śfier navuki, ŚMI, kultury, adukacyi, jakija hetaj padtrymkaj karystalisia.
Z kankretnych dakumientaŭ apublikavany śpis atrymalnikaŭ hrantaŭ Niamieckaha fondu Maršała za 2018—2019 hady. Siarod pieraličanych u im — niepalityčnyja kulturnyja, adukacyjnyja i pravaabarončyja prajekty.
«Pradstaŭlenyja dakumienty pakazvajuć maštabnaje ŭlivańnie srodkaŭ u BČB-ruch u pieryjad 2017—2019 hadach. Zhodna z najaŭnaj u nas infarmacyjaj, na padtrymku biełaruskaj apazicyi było vydzielena bolš za 1,4 młn dalaraŭ», — zajaŭlajuć aŭtary publikacyi.
Hetaja publikacyja, jak i papiarednija takoha rodu, padvodzić maralny hrunt pad masavyja represii, jakija iduć u krainie z 2020 hoda, kali Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu. U represii ŭciahnutyja jak Ministerstva ŭnutranych spraŭ, tak i Kamitet dziaržaŭnaj biaśpieki, Hienieralnaja prakuratura i Śledčy kamitet.
Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.
Za hety čas u krainie adbyłosia nie mienš za 50 tysiač palityčna matyvavanych zatrymańniaŭ, zaviedziena nie mienš za 12 tysiač palityčna-kryminalnych spraŭ i adkinutyja navat bazavyja normy zakonnaści i marali.
U novaj publikacyi łukašenkaŭcy pryznajuć, što represii i prapahanda nie źmianili nastrojaŭ hramadstva. I siońnia «najbolšaja kolkaść padpisčykaŭ … naležyć mienavita apazicyjnym resursam, a nie infarmacyjnym kanałam, jakija padtrymlivajuć … prezidenta», — havorycca ŭ paviedamleńni. Praŭda, vidać, dla ŭłasnaha suciašeńnia robiačy remarku, što takaja masavaść, maŭlaŭ, z-za nakrutki botami.
Niamiecki fond Maršała (German Marshall Fund of the United States, abo skaročana GMF) — heta amierykanskaja dabračynnaja fundacyja, zasnavanaja na hrošy niamieckaha ŭrada z nahody 25-hodździa realizacyi Płana Maršała pa adbudovie paślavajennaj Jeŭropy. Fundacyja padtrymlivaje prajekty, skiravanyja na ŭmacavańnie amierykana-jeŭrapiejskich suviaziaŭ, demakratyi i hramadzianskaj supolnaści.
Ciapier čytajuć
Łukašenka niervova prakamientavaŭ vizit Cichanoŭskaj u Kijeŭ20
Kamientary
I jeŝio śmiešnieje, okazyvajetsia, dla smieny vłasti łukašienko dostatočno 1,4 młn dołłarov, kohda łukašienko tratit milliardy hosudarstviennych dołłarov na jejo zachvat i niezakonnoje udieržanije ježiehodno.
Nabludajem propahandistskij prohib i nie bolšie.
V sistiemie łukašienko nie ostałoś umnych, tałantlivych, sposobnych zavleċ nasielenije na svoju storonu.
Oni sosriedotočiliś na udieržanii, pod kontrolem, 15% kotoryje zadiejstvovany v rieprieśsijach i tierrorie ostalnych.
Posmotritie, snačała dubinoj vyhnali million v mihraciju, tiepieŕ, čieriez otbiranije biełaruskoho pasporta i hraždanstva, probujut, dubinoj, zahnať obratno.