Nahladčyk kałonii ŭ Vićbie kupiŭ dla źniavolenaha telefon — jaho asudzili
Staršy inśpiektar kadravaha i ideałahičnaha adździeła VK — 3 (Vićba) Alaksiej Baravy byŭ asudžany za toje, što kupiŭ telefon asudžanamu kałonii za ŭznaharodu. Sud adbyŭsia ŭ mai, ale stała viadoma pra jaho tolki ciapier, piša kanał «Vitiebsk, ja hulaju!».
Alaksiej Baravy damoviŭsia sa źniavolenym, ź jakim u jaho skłalisia dobryja adnosiny, ab kupli dla taho telefona: telefon byŭ patrebny dla zarobku na internet-biržy — źniavoleny mužčyna viedaŭ hetu spravu.
Praz mamu inšaha siadzielca źniavoleny pieravioŭ na kartku dziaŭčyny inśpiektara 1150 rubloŭ.
Za 380 rubloŭ Baravy praz «Kufar» kupiŭ «Xiaomi Redmi Note 9 Pro», 230 rubloŭ vydatkavaŭ na kuplu spartyŭnaha charčavańnia (taksama dla źniavolenaha), a 540 rubloŭ pakinuŭ sabie.
Telefon i charčavańnie jon pieradaŭ zamoŭcu ŭ bytavym pakoi kałonii.
Sudom Viciebskaha rajonu 25-hadovy były nahladčyk Baravy byŭ asudžany na 3 hady kałonii ahulnaha režymu (amnistyja pamienšała termin na hod) i da štrafu ŭ 11 100 rubloŭ. Taksama jon byŭ pazbaŭleny zvańnia.
U lipieni Baravy abskardziŭ prysud. Viciebski abłasny sud prybraŭ z prysudu pazbaŭleńnie mužčyny zvańnia, bo zvańnia, zhodna z art. 60 KK, pazbaŭlajuć pry bolš ciažkich złačynstvach.
-
Cichanoŭski raskazaŭ, jak za dapamohu jamu asudzili inšaha viaźnia, što siadzieŭ nie za palityku
-
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii
-
«Kaleśnikavu pierad sustrečaj z baćkam sprabavali pryvieści ŭ paradak — jana była na ŭzmocnienym charčavańni»
Ciapier čytajuć
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii5
Kamientary