Traim rasijskim prapahandystam padkinuli pad dźviery śvinyja hałovy
U krasaviku im užo prychodzili pasyłki z hipsavymi biustami, padobnymi da statuetki, z dapamohaj jakoj uzarvali prapahandysta Uładlena Tatarskaha.
Vajskovamu ekśpiertu Kanstancinu Siŭkovu, supracoŭniku TASS Michaiłu Ciareščanku i palitołahu Cimafieju Siarhiejcavu padkinuli adsiečanyja śvinyja hałovy, piša «Mieduza».
26 vieraśnia śvinuju hałavu znajšoŭ la svaich dźviarej Siarhiejcaŭ —aŭtar kałonki ab nieabchodnaści «deŭkrainizacyi» Ukrainy, apublikavanaj na sajcie RIA «Novosti».
«Čarhovy raz niekatoryja asoby nie daciahvajuć da svaich lubimych ZŠA. Tam hałava konskaja dy mafija sicylijskaja. A tut, jak zaŭsiody, — prosta śvińni», — zajavili ŭ pres-słužbie RIA «Novosti». Siarhiejcaŭ źviarnuŭsia ŭ palicyju, paviedamiŭšy, što nieadnarazova atrymlivaŭ pahrozy pa telefonie i ŭ listach.
Zatym ab padkinutaj śvinoj hałavie raspavioŭ Siŭkoŭ. Jon, jak paviedamlajecca, vyjaviŭ śvinuju hałavu pad dźviaryma kvatery 19 vieraśnia. Pa słovach Siŭkova, jamu taksama telefanavali z pahrozami zabojstvam. «Było skazana dasłoŭna nastupnaje: «U nas doŭhija ruki, i my vas možam zabić u luby momant, i nam za heta ničoha nie budzie», — zajaviŭ jon.
Pa danych «112», śvinuju hałavu 19 vieraśnia padkinuli i Ciareščanku. Pry pieratrusie ŭ dastaŭščyka było znojdziena jašče čatyry pakiety sa śvinymi hałovami. TASS i Ciareščanka paviedamleńni ab padkinutaj śvinoj hałavie pakul publična nie kamientavali.
U krasaviku 2023 hoda paviedamlałasia, što Siarhiejcavu, Siŭkovu i Ciareščanku adpraŭlali pasyłki z hipsavymi biustami, padobnymi da statuetki, u jakuju była zakładziena vybuchoŭka na tvorčym viečary Uładlena Tatarskaha. U vyniku vybuchu Tatarski zahinuŭ, jašče 40 čałaviek paciarpieli.
Takuju ž pasyłku adpravili i «vajenkaru» Uładzisłavu Šuryhinu, jaki supracoŭničaje ź Pieršym kanałam. 19 vieraśnia SK raspačaŭ kryminalnuju spravu pa fakcie nieadnarazovych pahroz zabojstvam (častka 1 artykuła 119 KK) Šuryhinu.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary