Kitaj raskazaŭ, kolki płacić za biełaruski kalij. Ličba ŭražvaje
Hałoŭnaje mytnaje ŭpraŭleńnie KNR abnaviła danyja pra impart kalijnych uhnajeńniaŭ. Statystyka śviedčyć, što Biełaruś vystupaje klučavym pastaŭščykom kaliju na kitajski rynak, piša Myfin.by.
Pavodle infarmacyi kitajskaha boku, u studzieni — vieraśni 2023 hoda sukupny abjom impartu KNR pa tavarnaj pazicyi «Uhnajeńni minieralnyja abo chimičnyja, kalijnyja» skłaŭ $3,62 młrd (papiarednija danyja).
Dla paraŭnańnia: u studzieni — vieraśni minułaha hoda košt impartu składaŭ $3,25 młrd, a za taki ž pieryjad 2021 hoda — $1,50 młrd.
Hałoŭnym pastaŭščykom kalijnych uhnajeńniaŭ na kitajski rynak vystupaje Biełaruś. Pa vynikach dzieviaci miesiacaŭ 2023 hoda Kitaj zapłaciŭ za impart biełaruskaha kaliju kala $1,25 młrd (+$505 młn da ŭzroŭniu studzienia — vieraśnia 2022 hoda).
Akramia Biełarusi, u trojku lidaraŭ uvajšli Rasijskaja Fiederacyja ($740,0 młn) i Kanada ($537,5 młn).
U dastatkova vialikich abjomach impart kalijnych uhnajeńniaŭ taksama ažyćciaŭlaŭsia z takich krain, jak:
- Łaos ($478,8 młn),
- Iardanija ($295,5 młn),
- Izrail ($252,8 młn).
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary