Na «Biełaruśkalii» abarvałasia kleć z rabotnikami. Piaciora ź ciažkimi traŭmami
Na hety momant viadoma pra traŭmavańnie dvuch rabotnikaŭ pradpryjemstva.
Paviedamleńnie pra avaryju na rudniku № 2 u Salihorskim rajonie źjaviłasia ŭ sacyjalnych sietkach hadzinu tamu.
«Na 2 RU abarvałasia kleć (lift dla transpartavańnia harniakoŭ u rudnik. — NN). Pajechali chutkija», — napisana ŭ paviedamleńni publika «ČP Salihorsk» «Ukantakcie».
U pažarnaj avaryjna-vyratavalnaj častcy Rudaŭpraŭleńnia № 2 miascovamu žycharu paćvierdzili, što «nievialikaje zdareńnie adbyłosia i tam pracujuć hornyja ratavalniki».
«Budziem spadziavacca, što budzie ŭsio dobra», — adkazaŭ vyratavalnik.
Pavodle paviedamleńnia MNS, u Salihorsku adbyłosia zachrasańnie kleci ŭ šachtavym stvale № 3 na adznacy minus 445 mietraŭ na terytoryi 2-ha rudaŭpraŭleńnia. U kleci papiarednie znachodziacca 5 rabotnikaŭ pradpryjemstva, infarmacyja pra paciarpiełych udakładniajecca. Pryčyna incydentu vyśviatlajecca.
Z kleci padniali rabotnikaŭ. Dvum paciarpiełym akazvajecca mieddapamoha.
«Na hety momant adzin paciarpieły ŭžo špitalizavany (1991 h. n.), papiarednie lekary dyjahnastavali ŭ jaho paškodžańnie chrybta. Druhi paciarpieły — ciažejšy, jon ciapier taksama dastaŭlajecca ŭ Salihoskuju CRB. U jaho, pavodle papiaredniaj infarmacyi, pierałom chrybta i kancavin», — paviedamiła Ministerstva achovy zdaroŭja ŭ svaim telehram-kanale.
Paźniej u salihorskuju balnicu dastavili i treciaha šachciora — u jaho ciažkija traŭmy, u tym liku, pierałom nižnich kancavin.
Pavodle papiaredniaj infarmacyi, va ŭsich pieciarych rabotnikaŭ (im ad 25 da 38 hod) ciažkija spałučanyja traŭmy — pierałomy klučyc, chrybta, taza i nižnich kancavin.
Pa rasparadžeńni ministra achovy zdaroŭja Dźmitryja Pinieviča ŭ salihorskuju CRB nakiravana bryhada vysokakvalifikavanych śpiecyjalistaŭ (śpinalny chirurh i traŭmatołah-artapied) RNPC traŭmatałohii i artapiedyi.
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
Kamientary
jen dałžon kampiensavať za svaju płachuju rabotu