Na aŭkcyjonie pradaduć hadzińnik žychara Viciebska, jaki płyŭ na «Tytaniku»
Aŭkcyjon projdzie ŭ subotu ŭ Brytanii.
Brytanski aŭkcyjonny dom Henry Aldridge & Son Ltd vystaviŭ na tarhi kišenny hadzińnik Sinaja Kantara — emihranta ź Viciebska, jaki płyŭ u krasaviku 1912 hoda ŭ Amieryku na borcie «Tytanika», piša sajt «Biełaruś i śviet».
Aŭkcyjon adbudziecca 11 listapada ŭ horadzie Devizies hrafstva Uiłtšyr. Tarhi pa łocie pad numaram 288 startujuć z 30 tysiač funtaŭ sterlinhaŭ (34 tysiačy jeŭra). Ale čakajecca, što jany mohuć być pradadzienyja za sumu ad 50 da 80 tysiač funtaŭ (57—90 tysiač jeŭra).
Sinaj Kantar razam sa svajoj žonkaj Miryjam byli na «Tytaniku» siarod 285 pasažyraŭ druhoha kłasa. Paśla sutyknieńnia z ajśbierham Miryjam pasadzili ŭ łodku, i jana vyratavałasia. A voś Sinaj zahinuŭ, jaho cieła dastali ź ledzianoj vady.
Paźniej žonka zmahła atrymać znojdzienyja pry mužu rečy. Jany ŭklučali ŭ siabie hadzińnik, a taksama adzieńnie, pašpart Rasijskaj impieryi, natatnik, hrošy, kašalok, kišenny teleskop i štopar.
Hadzińnik upieršyniu byŭ vystaŭleny na prodaž u žniŭni 2018 hoda na amierykanskim aŭkcyjonie Heritage Auctions. Ich daŭ naščadak Sinaja Kantara. A kupiŭ łot za 57,5 tysiačy dalaraŭ kalekcyjanier chranomietraŭ Džon Mijotel.
Na aŭkcyjonie pradali apošni list z «Tytanika»
Maci sastupiła synu miesca na złaščasnym batyskafie «Tytan»
Batyskaf paciarpieŭ krušeńnie ad impłozii. Tłumačym, što takoje impłozija
Ci jość u viciebskaha muzieja šancy nabyć karcinu Marka Šahała?
Ci možna zarabić na starych rečach? Pahladzicie, što ŭ internecie pradajecca za šalonyja hrošy
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju28
Kamientary