Na partale ABW.BY zjaviłasia raźvitalnaje paviedamleńnie pra toje, što prajekt spyniaje svaju pracu. Siońnia — apošni dzień pracy partała.
«My chacieli b padziakavać vam za addanaść — mnohija z nami z časoŭ haziety «Avtobiźnies«; za padtrymku i krytyku — vaša mierkavańnie zaŭsiody było važnym dla nas, tamu da apošniaha zachoŭvali kamientary pad materyjałami; za ŭvažlivaść — kolki pamyłak vypraŭlena dziakujučy vam! Vy samyja spraktykavanyja, vopytnyja i technična piśmiennyja čytačy — aŭtaram davodziłasia trymać vielmi vysokuju płanku, kab infarmacyja adpaviadała vašym patrabavańniam», — havorycca ŭ paviedamleńni, jakoje nazyvajecca «Zamiest epiłohu».
Prajekt, jaki aśviatlaŭ aŭtamabilnuju prablematyku, pracavaŭ 30 hadoŭ.
8 listapada zasnavalniki TAA «Bonustorh», jakomu naležyć vydańnie «Aŭtabiznes», prakamientavali na sajcie aryšt dyrektara kampanii Vitala Palakova i paviedamili, što «z pryčyny roznych abstavinaŭ padyšli da taho momantu, kali hatovyja spynić pracu sajta ABW.BY».
Ale vydańnie praciahvała pracu, sajt abnaŭlaŭsia. A zajava zasnavalnikaŭ TAA «Bonustorh» źnikła.
28 kastryčnika ŭ telehram-kanale HUBAZiK zjaviłasia videa zatrymańnia dyrektara partała ABW.BY Vitala Palakova.
U studzieni 2023 hoda sud pryhavaryŭ hałoŭnaha redaktara ABW.BY Juliju Mudreŭskuju da 1,5 hodoŭ kałonii pa artykule ab parušeńni hramadskaha paradku, a redaktara śpiecprajektaŭ partała Juryja Hładčuka — da 2,5 hadoŭ kałonii.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać31
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5858
Kamientary