Hramadstva

«Piša vielmi badzioryja listy». Što viadoma pra źniavolenaha dyrektara haziety «Biełorusy i rynok» Kanstancina Załatych

Ź lipienia 2023 hoda dyrektara haziety «Biełorusy i rynok» Kanstancina Załatych trymajuć u papraŭčaj kałonii № 1 u Navapołacku. Viadoma, što palitviazień pracuje na sartavańni polietylenavych hranuł, a ŭ volny čas čytaje šmat fiłasofskaj i histaryčnaj litaratury. Padrabiaznaści stali viadomyja ad žonki Kanstancina Natalli, piša «Radyjo Svaboda».

«Pra ŭmovy ŭ kałonii piša, što narmalnyja, ale dumaju, što takija samyja, jak i ŭ inšych palitviaźniaŭ. U volny čas čytaje, adnak volnaha času ŭ ich tam niašmat. Listy dachodziać jamu tolki ad najbližejšych svajakoŭ, i ad jaho toje samaje. Zvanić z kałonii jašče jamu nie dazvolili nivodnaha razu», — raskazała Natalla.

Kanstancinu Załatych 54 hady. U kałonii jon pracuje na sartavańni polietylenu. Voś što jahonaj žoncy viadoma pra hetuju pracu:

«Jany tam uručnuju pierabirajuć polietylenavyja hranuły, ź jakich potym robiać plonku.

Napisaŭ, što jość dobryja hranuły, a jość nieprydatnyja, voś ich treba adździalić. Nakolki heta ciažkaja i škodnaja praca, nie viedaju, ale, jak skazała adna žonka viaźnia, jany «pracujuć papiałuškami».

Pavodle Natalli Załatych, jaje muž i ŭ kałonii znachodzić mahčymaść zajmacca surjoznymi knihami.

«Čytaje, naprykład, «Historyju zachodniaj fiłasofii» Biertrana Raseła, «Mastactva vajny» Suń Czy. Čytaje i knihi pa-anhielsku. Vielmi lubić historyju, asabliva vajennuju, teoryju palityki i ekanomiki, fiłasofiju. Niekatoryja knihi, jakija jaho cikaviać, zamaŭlaje praz kniharniu i potym čakaje, pakul pryjduć», — raskazała Natalla Załatych.

Žoncy palitviaźnia nieviadoma, ci zajmajecca jon u kałonii sportam.

«Nakolki viedaju, palityčnych nie biaruć u spartovyja hulni, nie dazvolena. Ale nie skardziŭsia na stomu, piša, što zdarovy. Jon uvohule piša vielmi badzioryja listy i adnosna charčavańnia nie skardzicca.

Jon u minułym čałaviek vajskovy, tamu kašy moža jeści i nie narakaje. Piša, što i rybu dajuć, i miasa, a na viačeru zvyčajna smažanaja «varonka» — padsmažanaja varanaja kaŭbasa. Jašče ŭ jaho jość «atavarka» — možna ŭ kramie nabyć niešta dadatkovaje, ale nie na 222 rubli, jak va ŭsich, a tolki na 74 rubli».

Kanstancina Załatych aryštavali ŭ traŭni 2022 hoda. Spačatku jaho ŭtrymlivali ŭ SIZA ŭ Žodzinie, potym na «Vaładarcy». U sakaviku 2023 hoda Minski haradski sud na zakrytym pasiadžeńni pryznaŭ dyrektara haziety «Biełorusy i rynok» Kanstancina Załatych vinavatym pavodle čatyroch artykułaŭ Kryminalnaha kodeksa, uklučna z abrazaj Łukašenki i raspalvańniem sacyjalnaj dy inšaj varažniečy i prysudziŭ jamu 4 hady źniavoleńnia. Svajoj viny Kanstancin Załatych nie pryznaŭ. Biełaruskija pravaabaroncy pryznali žurnalista palitviaźniem.

Kamientary

Ciapier čytajuć

Deficyt harodniny: śledam za kapustaj z kramaŭ prapała cybula7

Deficyt harodniny: śledam za kapustaj z kramaŭ prapała cybula

Usie naviny →
Usie naviny

Biełarusaŭ, jakija časta jeździać dadomu, vyrašyli nie pazbaŭlać DNŽ u Litvie1

Bašar Asad pierad svaim źviaržeńniem vyviez ź Siryi nie mienš za $500 tysiač i sakretnyja dakumienty

«Žyłbud dom moh pabudavać». Karajeŭ aburyŭsia zanadta krutym KPP na vučeńniach pad Hrodnam3

Abvieščany tradycyjny zbor na letni adpačynak dziaciej palitviaźniaŭ

U Polščy znojdzieny miortvym 50-hadovy biełarus10

«Nie bačyć na adlehłaści ruki» — palitviazień pra Vacłava Arešku 

Telegram zabłakavaŭ najbujniejšy čat biełarusaŭ Biełastoka. Adbyłasia ataka z rasijskaha numaru1

Ksiondz Viačasłaŭ Barok pryznany «ekstremisckim farmavańniem»1

«Znajomaja prasiła dasyłać fota z Francyi». Biełarusy pra toje, jak ich tajemna vykarystoŭvali dla prykryćcia zdrad4

bolš čytanych navin
bolš łajkanych navin

Deficyt harodniny: śledam za kapustaj z kramaŭ prapała cybula7

Deficyt harodniny: śledam za kapustaj z kramaŭ prapała cybula

Hałoŭnaje
Usie naviny →

Zaŭvaha:

 

 

 

 

Zakryć Paviedamić