Prapahandystka parazvažała pra ChatGPT i raskazała, jakoha biełaruskaha dziejača nie zmoža zamianić niejrasietka
Zajavy niekatorych łukašenkaŭcaŭ vyhladajuć, jak stvoranyja štučnym intelektam. Nastolki składana pavieryć u toje, što takuju biazhłuździcu moža prydumać i skazać žyvy čałaviek. Ale na dumku Aleny Radoŭskaj, nijaki štučny intelekt nie pieraplunie Aleha Hajdukieviča.
U strymie «Viečarovaha palityčnaha kanała», jaki Radoŭskaja viadzie sa svaim mužam Kiryłam Kazakovym, prapahandystka parazvažała pra ChatGPT, jaki prabraŭsia ŭ šmatlikija śfiery.
«Zaŭsiody pałochali ŭsich rabočych, što pryjdzie čas i ich zamieniać robaty. Ale nichto nie viedaŭ, što pryjduć robaty i daduć vyśpiatka kapirajtaram, SMM (mieniedžary sacyjalnych sietak — NN) i žurnalistam», — kaža Radoŭskaja.
Dalej jana raskazała, što joj asabista dasłaŭ videavinšavańnie Aleh Hajdukievič. A kali jana paprasiła jaho zapisać jašče adno dla słuchačoŭ i hledačoŭ jaje prahramy, to jaje ŭraziła ščyraść deputata.
U vyniku Radoŭskaja pryjšła da vysnovy, što ChatGPT niazdolny spaborničać z hetaj Hajdukievičavaj ščyraściu.
«Štučny intelekt Aleha Siarhiejeviča nie dahonić anijak», — pahadziŭsia z žonkaj Kazakoŭ.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary