Jeŭrasajuz maje namier uvieści sankcyi suprać šerahu biełaruskich vajskoŭcaŭ
Jeŭrapiejski sajuz źbirajecca ŭklučyć u 13-y pakiet sankcyj suprać Rasii dziasiatki biełaruskich i rasijskich aficeraŭ.
«U čorny śpis płanujecca ŭklučyć «niekalki dziasiatkaŭ» biełaruskich i rasijskich aficeraŭ, jakija viaduć vajnu suprać Ukrainy, a taksama rasijan, jakija majuć dačynieńnie da vykradańniaŭ ukrainskich dziaciej», — piša vydańnie EUobserver sa spasyłkaj na nienazvanych jeŭrapiejskich dypłamataŭ.
Čakajecca, što pasły krain Jeŭrasajuza pry Jeŭraradzie pačnuć abmierkavańnie śpisu 8 lutaha.
U novych mierach zhadvajecca niekalki firmaŭ z pa-za miežaŭ Jeŭrasajuza, jakija dapamahajuć Rasii atrymać zabaronienyja kampanienty zbroi. Pry hetym sankcyi nie buduć uklučać novych zabaronaŭ na rasijskija mietały, zvadkavany haz abo atamnyja pradpryjemstvy.
Nie ŭchvalenaja pakul i prapanova abmiežavać svabodu pieramiaščeńnia rasijskich dypłamataŭ u Šenhienskaj zonie, piša EUobserver.
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ1
Kamientary