Pucin pavinšavaŭ Łukašenku ź pieramohaj «patryjatyčnych sił» na vybarach
«Vysokaja jaŭka vybarščykaŭ i vyniki narodnaha volevyjaŭleńnia nahladna paćviardžajuć šyrokuju padtrymku kursu na harmaničnaje sacyjalna-ekanamičnaje raźvićcio Biełarusi», — havorycca ŭ vinšavańni.
Uładzimir Pucin pavinšavaŭ Alaksandra Łukašenku z paśpiachovym praviadzieńniem adzinaha dnia hałasavańnia i «ŭpeŭnienaj pieramohaj biełaruskich patryjatyčnych sił», adpaviednaje paviedamleńnie było apublikavana pres-słužbaj Kramla.
«Pavažany Alaksandr Ryhoravič, ad dušy vinšuju vas z paśpiachovym praviadzieńniem adzinaha dnia hałasavańnia i ŭpeŭnienaj pieramohaj biełaruskich patryjatyčnych sił. Vysokaja jaŭka vybarščykaŭ i vyniki narodnaha volevyjaŭleńnia nahladna paćviardžajuć šyrokuju padtrymku kursu na harmaničnaje sacyjalna-ekanamičnaje raźvićcio Biełarusi, jaki pravodzicca pad vašym kiraŭnictvam, zabieśpiačeńnie ŭnutrypalityčnaj stabilnaści i prasoŭvańnie ŭzajemavyhadnych intehracyjnych pracesaŭ u ramkach Sajuznaj dziaržavy», — havorycca ŭ paviedamleńni.
Rasijski lidar vykazaŭ nadzieju, što vybranyja parłamientaryi buduć efiektyŭna supracoŭničać sa svaimi kalehami z RF u ramkach mižparłamienckaha dyjałohu i šmatpłanavych mižrehijanalnych suviaziaŭ.
Pucin taksama pažadaŭ Łukašenku zdaroŭja, dabrabytu i pośpiechaŭ u dziaržaŭnaj dziejnaści.
Nahadajem, što pa vynikach parłamienckich vybaraŭ u Pałatu pradstaŭnikoŭ prajšli 51 čałaviek «Biełaj Rusi», 40 deputataŭ źjaŭlajucca biespartyjnymi. Respublikanskaja partyja pracy i spraviadlivaści atrymała 8 mandataŭ, Kamunistyčnaja partyja — siem, Libieralna-demakratyčnaja partyja atrymała haniebnyja čatyry miescy.
Marzaluka ŭsio ž pryznačyli deputatam. Prahnoz «NN» na vybary spraŭdziŭsia na 97%
U Karpienki spytali ab prymusovym hałasavańni. Jon zaniervavaŭsia
Partyja Hajdukieviča akazałasia aŭtsajdaram u kurtatym biełaruskim parłamiencie, atrymaŭšy haniebnyja čatyry mandaty
Što za naziralniki ź Jeŭropy pryjechali na vybary ŭ Biełaruś
Šeść biełarusaŭ zamiežža prahałasavali na admysłovym učastku ŭ Minsku
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary