Jak paviedamlaje vydańnie New Atlas, dniami pačaŭsia aŭkcyjon pa prodažy vizitovak viadomych ludziej płaniety. Hałoŭnyja favaryty tarhoŭ — kartki zasnavalnika kampanii Apple Styva Džobsa i kiraŭnika SpaceX Iłana Maska.
Cana pieršaj na hety momant składaje 53,6 tysiačy dalaraŭ, što robić jaje samaj darahoj vizitoŭkaj u śviecie za ŭsiu historyju tarhoŭ. Jaje košt u samym pačatku ciapierašnich tarhoŭ składaŭ 7,1 tysiač, a na tarhach minułaha hoda — 6,1 tysiač.
Na druhim miescy raźmiaściłasia vizitoŭka miljardera Iłana Maska, na jakoj jon pradstaŭleny jak hiendyrektar kampanii SpaceX. Jaje ciapierašniaja cana — 13,8 tysiačy dalaraŭ.
Voś jak jany vyhladajuć.
Akramia hetaha, New Atlas pryvioŭ statystyku pa prodažach vizitnych kartak na minułych aŭkcyjonach. Siarod favarytaŭ pa cenach u roznyja hady taksama byli vizitoŭki Albierta Enštejna, Biła Hiejtsa, Brusa Li, Baraka Abamy i inšyja.
Kamientary