Rada Biaśpieki AAN źbiarecca ŭ niadzielu na ekstrannaje pasiadžeńnie
Jak paviedamiła pastajanny pradstaŭnik Malty pry AAN Vanesa Frejzer, čyja kraina ŭ ciapierašni čas staršyniuje pa ratacyi ŭ Radzie Biaśpieki, inicyjataram pasiadžeńnia vystupiŭ Izrail, jaki padvierhnuŭsia ŭdaru iranskich rakiet i bieśpiłotnikaŭ, piša BBC.
U liście na jaje imia Izrail abvinavačvaje Iran u parušeńni mižnarodnych abaviazacielstvaŭ i nazyvaje jaho «architektaram niestabilnaści na praciahu mnohich hadoŭ», što padtrymlivaje CHAMAS u siektary Haza, «Chiezbału» ŭ Livanie i chusitaŭ u Jemienie.
«Surjoznaść i maštaby napadaŭ biesprecedentnyja, — havorycca ŭ liście, — i zjaŭlajucca hrubym parušeńniem suvierenitetu Izraila, mižnarodnaha prava i rezalucyj Rady Biaśpieki».
Izrail prosić Saviet Biaśpieki pryznać Korpus vartavych isłamskaj revalucyi — hałoŭnuju aporu iranskaha kirujučaha režymu — terarystyčnaj arhanizacyjaj.
U svaju čarhu list kiraŭniku Rady Biaśpieki nakiravaŭ i Iran. U im jon zajaŭlaje, što dziejničaŭ «u metach samaabarony, zhodna z artykułam 51 Statuta Arhanizacyi Abjadnanych Nacyj i ŭ adkaz na vajennuju ahresiju Izraila».
Ekstrannaje pasiadžeńnie Savieta Biaśpieki AAN zapłanavana na 23:00 pa Minsku.
Ciapier čytajuć
Čamu ŭ pačatku 20 stahodździa estoncy, litoŭcy i łatyšy stvaryli dziaržavu, a biełarusy — nie? Adkazvaje Cieraškovič9
Kamientary