Як паведаміла пастаянны прадстаўнік Мальты пры ААН Ванэса Фрэйзэр, чыя краіна ў цяперашні час старшынюе па ратацыі ў Радзе Бяспекі, ініцыятарам пасяджэння выступіў Ізраіль, які падвергнуўся ўдару іранскіх ракет і беспілотнікаў, піша BBC.
У лісце на яе імя Ізраіль абвінавачвае Іран у парушэнні міжнародных абавязацельстваў і называе яго «архітэктарам нестабільнасці на працягу многіх гадоў», што падтрымлівае ХАМАС у сектары Газа, «Хезбалу» ў Ліване і хусітаў у Емене.
«Сурʼёзнасць і маштабы нападаў беспрэцэдэнтныя, — гаворыцца ў лісце, — і зʼяўляюцца грубым парушэннем суверэнітэту Ізраіля, міжнароднага права і рэзалюцый Рады Бяспекі».
Ізраіль просіць Савет Бяспекі прызнаць Корпус вартавых ісламскай рэвалюцыі — галоўную апору іранскага кіруючага рэжыму — тэрарыстычнай арганізацыяй.
У сваю чаргу ліст кіраўніку Рады Бяспекі накіраваў і Іран. У ім ён заяўляе, што дзейнічаў «у мэтах самаабароны, згодна з артыкулам 51 Статута Арганізацыі Абʼяднаных Нацый і ў адказ на ваенную агрэсію Ізраіля».
Экстраннае пасяджэнне Савета Бяспекі ААН запланавана на 23:00 па Мінску.
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»20
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары