Biełaruski fatohraf staŭ lažačym paśla kavidu. Jon prosić ab niezvyčajnaj dapamozie
Były fatohraf «Kamsamolskaj praŭdy» Pavieł Marcinčyk trapiŭ u składanuju situacyju, jakuju jon apisaŭ u svaim fejsbuku.
«Siabry, prašu dapamohi! Ja ŭžo treci hod mučajusia z nastupstvami kavidu. A ŭ kastryčniku 2023 hoda znoŭ zachvareŭ na kavid i staŭ lažačym. Simptomaŭ vielmi šmat. Cieła ciažkaje, tuman u hałavie, nie mahu navat prosta chvilinu pasiadzieć, cieła patrabuje lehčy. Hałava vielmi ciažkaja. Ja nie budu pisać pra lačeńnie, pra toje, što kažuć daktary. Heta ŭ inšym paście ŭsio.
Siońnia ja zrazumieŭ, što nie mahu pieranosić śpiakotu, navat takoje ciopłaje, zdavałasia b, nadvorje, jak ciapier. Paśla dnia lažańnia ŭ adnosna ciopłym pakoi ź vientylataram mnie drenna.
Ja nie mahu ciapier viečaram naohuł padniać hałavu ci prysieści.
Kidaje ŭ haračy pot, mocnaja młosnaść. I ja mahu tolki lažać. Ja nie viedaju, što budzie zaŭtra navat.
Ja zamoviŭ kandycyjanier. Pryviazuć siońnia. Ale ŭstalavać mohuć ci nie praź miesiac. Ja nie viedaju, jak vytrymaju hety čas! Ja prašu dapamahčy mnie z chutkaj ustanoŭkaj. Moža, u kahości jość siabry, znajomyja ŭ hetaj śfiery?! Kali łaska, zrabicie repost. Moža, chtości maje mahčymaść dapamahčy mnie!
Kandycyjanier pryviazuć siońnia ŭ abied!» — napisaŭ jon.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary