Znataka Illu Novikava zavočna asudzili ŭ Rasii na vosiem z pałovaj hadoŭ
Uładalnika dvuch «Kryštalnych sovaŭ» zavočna prysudzili da kałonii za «fejki pra armiju». FSB taksama rasśleduje suprać jaho spravu ab dziaržzdradzie za ŭdzieł u bajach na baku terabarony USU.
Advakat i były hulec pieradačy «Što? Dzie? Kali?» Illa Novikaŭ zavočna asudžany na 8 hadoŭ 6 miesiacaŭ kałonii ahulnaha režymu, pastanaviŭ Haharynski rajonny sud Maskvy, piša RBK.
Termin źniavoleńnia buduć adličvać z daty mahčymaj ekstradycyi Novikava ŭ Rasiju ci jaho tearetyčnaha zatrymańnia ŭ Rasii.
Suprać Novikava taksama zaviedzienaja sprava ab dziaržaŭnaj zdradzie, jaho padazrajuć u «pierachodzie na bok praciŭnika», što pahražaje pazbaŭleńniem voli až da pažyćciovaha terminu. FSB padkreśliła, što jon źjechaŭ z Rasii, ustupiŭ u šerahi terabarony Ukrainy, prajšoŭ vajskovuju padrychtoŭku, udzielničaje ŭ bajavych dziejańniach.
Novikaŭ naradziŭsia ŭ Maskvie ŭ 1982 hodzie, z adznakaj skončyŭ Rasijskuju akademiju pravasudździa, a z 2005 hoda tam ža vykładaŭ na jurydyčnym fakultecie i fakultecie pavyšeńnia kvalifikacyi sudździaŭ. Sa žniŭnia 2011 hoda — staršy partnior jurydyčnaha biuro «Hančarova, Novikaŭ i partniory». Z 2002 pa 2016 hod byŭ hulcom televizijnaha kłuba «Što? Dzie? Kali?». Za hety pieryjad staŭ uładalnikam «Bryljantavaj savy» (2014 hod) i dvuch «Kryštalnych sovaŭ» (2004, 2014 hady).
Juryst z 2021 hoda žyvie ŭ Kijevie i pracuje advakatam u byłoha ŭkrainskaha prezidenta Piatra Parašenki. Siarod jaho hučnych spraŭ — abarona ŭkrainskaj lotčycy Nadziei Saŭčanki, režysiora Aleha Siancova, a taksama Fondu baraćby z karupcyjaj Alaksieja Navalnaha.
Minułym letam Advakackaja pałata Maskvy pazbaviła Novikava statusu advakata ŭ Rasii, abvinavaciŭšy jaho ŭ «niapravilnych pavodzinach». Tam paličyli, što Novikaŭ parušyŭ Ženieŭskuju kanviencyju, vykazvajučy mierkavańnie, što «vybuchi składoŭ i mastoŭ — heta reč, jakaja dapuščalnaja».
Ciapier čytajuć
Za «ekstremisckija» padpiski pry praviercy na miažy bolš nie sadžajuć na sutki15
Za «ekstremisckija» padpiski pry praviercy na miažy bolš nie sadžajuć na sutki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary