Pchieńjan płanuje ŭžo ŭ lipieni pierakinuć u akupavanyja vobłaści Ukrainy budaŭničyja i inžyniernyja vojski.
Kim Čen Yn adpraŭlaje karejcaŭ na vajnu va Ukrainie, pra heta paviedamlaje ahienctva Reuters sa spasyłkaj na paŭdniovakarejski telekanał Chosun.
Pavodle jaho danych, Pchieńjan płanuje ŭžo ŭ lipieni pierakinuć u akupavanyja vobłaści Ukrainy budaŭničyja i inžyniernyja vojski.
Heta tyja paŭnočnakarejskija častki, jakija zarablajuć valutu dla režymu za miažoj pad vyhladam budaŭnikoŭ. Ciapier jany słužać u Kitai.
«Kali b ja kiravaŭ kadravaj palitykaj paŭnočnakarejskaj armii, ja b usumniŭsia ŭ rašeńni adpravić svaje vojski ŭ jakaści harmatnaha miasa na niezakonnuju vajnu suprać Ukrainy. My bačyli, jakija straty panieśli rasijskija vojski», — skazaŭ aficyjny pradstaŭnik Minabarony ZŠA bryhadny hienierał Pet Rajder.
Na siońniašni dzień KNDR vydzieliła Rasii amal 2 młn artyleryjskich snaradaŭ, rakiet dla RSZA i, mahčyma, navat balistyčnyja rakiety. Udzieł paŭnočnakarejskich čaściej u vajnie stanie novym etapam eskałacyi kanfliktu, piša Bild.
Kamientary