Akademija navuk raspracavała instrukcyju pa źniščeńni «ekstremisckich» knih u biblijatekach
Pa novaj instrukcyi ź biblijatečnych fondaŭ buduć vyklučać litaraturu i dakumienty, pryznanyja ekstremisckimi materyjałami.
Abjadnańnie byłych siłavikoŭ «Biełpoł» piša, što niadaŭna Nacyjanalnaja akademija navuk Biełarusi pryniała pastanovu — «Instrukcyju ab paradku vyklučeńnia infarmacyjnaj pradukcyi, jakaja pryznana ekstremisckimi materyjałami, ź biblijatečnych fondaŭ biblijatek Nacyjanalnaj akademii navuk Biełarusi i padnačalenych joj arhanizacyj».
Dakumient uskładaje na kiraŭnikoŭ biblijatek piersanalnuju adkaznaść za niesvoječasovaje vyjaŭleńnie i vyklučeńnie zhadanaj litaratury i niesankcyjanavanaje jaje vykarystańnie.
U kožnaj padviedamasnaj biblijatecy ciapier budzie śpiecyjalnaja asoba, jakaja nie radziej za raz na tydzień budzie praviarać fondy, novyja pastupleńni, a taksama licenzavanyja elektronnyja bazy danych na najaŭnaść u ich dakumientaŭ, jakija ŭklučany ŭ Respublikanski śpis ekstremisckich materyjałaŭ.
Kali takija vyjaviać, to ich buduć vyklučać z fondaŭ z vydaleńniem usioj infarmacyi ź infarmacyjnych resursaŭ i z daviedačna-biblijahrafičnaha aparatu. Vyklučyć takoje vydańnie i infarmacyju pra jaho pavinny na praciahu 30 dzion paśla ŭniasieńnia dakumienta ŭ śpis.
U jakaści padstavy dla vyklučeńnia budzie paznačacca «niaprofilny dakumient».
Kali ekstremiscki dakumient budzie znojdzieny ŭ licenzavanaj bazie danych, to na adras pastaŭščyka budzie nakiroŭvacca paviedamleńnie z patrabavańniem na praciahu 30 dzion vyklučyć jaho z dostupu.
Pakul na zakanadaŭčym uzroŭni nie vyznačać, jak źniščać ekstremisckija materyjały, jany buduć zachoŭvacca. Dla hetaha Centralnaja biblijateka vydzielić šafu z zamkom, zakryty stełaž ci asobnaje pamiaškańnie.
Dostup tudy budzie mieć tolki śpiecyjalna pryznačanaja asoba.
Knihi Hienijuš, Arsieńnievaj i Niaklajeva trapili ŭ śpis ekstremisckich materyjałaŭ
«Jak byccam bombu ŭ škole znajšli». Byłaja biblijatekarka raskazała, jak školnyja biblijateki čyściać ad «niapravilnych» knih
«Ekstremisckuju litaraturu» składajem asobna». U biblijatekach rychtujucca da adkryćcia śpiecchranaŭ
Ułady ŭpieršyniu paćvierdzili, što źniščajuć vydańni, jakija abviaščajuć ekstremisckimi
Kamientary
Zdajecca, adna ź pieršych takich ustanoŭ u historyi, jakaja nie na pašyreńnie fondu knih pracuje, a na jaho źmianšeńnie i źniščeńnie "niapravilnych" vydańniaŭ.