U niekatorych pryvatnych stamatałohijach pierastali prymać dziaciej

Stamatałohii roznyja, ale farmuloŭka była adna: my nie prymajem dziaciej małodšych za 18 hadoŭ. Onliner pasprabavaŭ razabracca ŭ situacyi.

Pieršaj z prablemaj sutyknułasia minčanka Alena. U spadzievie zapisać syna na pryjom žančyna abtelefanavała adrazu niekalki klinik, ale ŭ kožnaj atrymała admovu:

— Raniej my lačyli zuby dzieciam u troch klinikach, ale hetym razam va ŭsich troch mnie admovili, — raspaviadaje surazmoŭca. — Spasłalisia na toje, što prymajuć tolki z 18 hadoŭ. Čamu tak adbyvajecca, mnie nie patłumačyli. U vyniku mianie adpravili ŭ dźvie inšyja stamatałohii. Ale ŭ adnoj rascenki zaškalvajuć, a ŭ inšuju prosta nie datelefanavałasia, jašče ŭ adnoj skazali, što ŭsie pryjomy raśpisany da kanca žniŭnia. Jość kliniki, jakija lečać pad siedacyjaj, ale dziciaci 13 hadoŭ, jon nie maleńki, i lačyć pad časovym narkozam nam nie vielmi chočacca. Jamu dastatkova zrabić abiazbolvańnie.

Z takoj ža historyjaj sutyknuŭsia žychar Žodzina Vital. U 63-tysiačnym horadzie dastatkova pryvatnych klinik i stamatałahičnych kabinietaŭ, adnak zapisać dzicia jamu nie ŭdałosia.

— My, jak zvyčajna, vyrašyli pierad škołaj pravieryć dziciaci zuby. Zapisacca vyrašyli da doktara, da jakoha chadzili na praciahu apošnich piaci hadoŭ, — raspaviadaje mužčyna. — Adnak nam paviedamili, što ŭ hetaj klinicy pierastali akazvać pasłuhi dla dziaciej, jakim mieniej za 18. Mianie papiaredzili, što lepš jechać u Minsk: u Žodzina zapisacca niemahčyma.

Abodva surazmoŭcy skazali, što vychad sa stanovišča jość — dziaržaŭnyja dziciačyja stamatałohii. Adnak, ź ich słoŭ, u ich nie akazvajuć płatnyja pasłuhi i zapłacić za płombu palepšanaj jakaści nielha.

Žurnalisty vyrašyli sami pravieryć, ci možna zapisać dzicia na pryjom da stamatołaha, i patelefanavali ŭ 7 staličnych stamatałohij (u try ź ich sprabavała zapisać dzicia Alena). Situacyja nie akazałasia krytyčnaj: u čatyroch im skazali, što dziaciej prymajuć, u dvuch — tolki darosły pryjom, a ŭ jašče adnoj pačnuć prymać dziaciej ź vieraśnia.

Ale chutka zvadzić dzicia da dantysta nie atrymajecca: u niekatorych klinikach volny čas jość tolki ŭ druhoj pałovie žniŭnia i ŭ vieraśni.

Pra toje, što adbyvajecca z pryvatnymi klinikami, daviedalisia ŭ dvuch stamatołahaŭ. Ź ich słoŭ, pracavać ź dziećmi zaraz zmohuć vyklučna śpiecyjalisty z kvalifikacyjaj «dziciačy stamatołah». U kaho jaje niama, ale jość žadańnie pracavać ź dziećmi, pryjdziecca prajści pierapadrychtoŭku.

• 1
• 0
• 0
• 0
• 5
• 0
• 7
• 0