Jość uziatyja ŭ pałon rasijanie, jość źbity viertalot.
Bai na miažy Sumskaj vobłaści Ukrainy i Kurskaj vobłaści Rasii pačalisia 6 žniŭnia. Pryčym mienavita na rasijskaj terytoryi.
Aficyjnych kamientaryjaŭ z boku Ukrainy nie było, a voś Rasija zajaviła, što ataka ŭkrainskich dyviersijnych hrup pačałasia a 8-j ranicy. U joj nibyta prymała ŭdzieł kala 300 bajcoŭ 22-j miechanizavanaj bryhady USU, jakich padtrymlivali 11 tankaŭ i zvyš 20 bajavych braniravanych mašyn.
Jak zaviedziena ŭ takich vypadkach, Ministerstva abarony Rasii adrazu abviaściła, što ataka była adbitaja, dziasiatki ŭkraincaŭ byli zabityja, a ich technika źniščanaja.
Adnak nie ŭsio tak prosta. Na praciahu dnia pastupali paviedamleńni ab bajach la nasielenych punktaŭ Sudža, Koranieva, Nikałajeva-Darjina, Darjina, Śvierdlikava, Haholeŭka, Hančaroŭka, Kuryłaŭka, Hornal. Taksama zhadvaŭsia nasieleny punkt Krupiec, jaki znachodzicca na darozie ad Hłuchava ŭ Sumskaj vobłaści ŭ Kursk.
Z-błohiery pryznajuć straty rasijskaha boku jak u technicy, tak i ŭ avijacyi. Na žal, pravieryć hetyja paviedamleńni pakul niemahčyma.
Ukrainskija kanały tym časam stali publikavać videa z pałonnymi, rasijskija kanały repościli ich i paćviardžali, što ahučanyja imiony realnyja, hetyja ludzi nasamreč słužyli pad Kurskam.
Źjaviłasia i niepaćvierdžanaje videa taho, jak šaściarych pałonnych rasijan niekudy viaduć.
Telehram-kanał «Tipičnyj Kursk» viečaram paviedamiŭ ab aktyŭnych bajavych dziejańniach i acharaktaryzavaŭ situacyju jak «vielmi ciažkuju». U telehram-kanale «Sudža rodnaja» źjaŭlajucca paviedamleńni ab rakietnaj niebiaśpiecy.
Uviečary źjaviłasia infarmacyja pra rasijski viertalot Ka-52, źbity niepadaloku ad miesca bajoŭ. 22-hadovy piłot zahinuŭ, druhi paranieny. Rasijskija kanały pryznali jaho śmierć.
Błohier Juryj Padalaka ŭ svaim pabliku napisaŭ, što ŭ bajach udzielničajuć «minimum piać ciažkich bryhad» USU, byli zaŭvažany amierykanskija «Bredli». 22-ju miechanizavanuju bryhadu jon charaktaryzuje jak elitnuju, što śviedčyć ab surjoznych namierach ukrainskaha boku.
«Adnoj raźviedkaj bojem tut nie abydziecca. U bližejšyja dni tut razhornucca vielmi mocnyja bai», — ličyć Padalaka.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary