Tolki za apošnija tydni žniŭnia ŭkrainskija bieśpiłotniki-pierachopniki źbili bolš za sotniu rasijskich bieśpiłotnikaŭ-raźviedčykaŭ. Ale likvidacyja «Izdielija-51» zdaryłasia chiba što ŭpieršyniu.
U sacyjalnych sietkach źjaviłasia videa, na jakim pakazana, jak ukrainski FPV-dron 11 bryhady Nacyjanalnaj hvardyi Ukrainy imia Michajła Hrušeŭskaha źbivaje rasijski bieśpiłotnik «Łancet».
Zapis raźmiaściŭ ukrainski vałancior Siarhiej Sternienka. Pa jaho słovach, nachvardziejcy źbili novuju madyfikacyju «Łanceta» — «Izdielije-51», zdolnuju lotać na dystancyju zvyš 50 kiłamietraŭ.
«Jon chacieŭ atakavać adzin z našych abjektaŭ, ale nie siońnia, poskudź, nie siońnia», — napisaŭ vałancior.
Internet-vydańnie «Militarny» adznačaje, što ŭkrainskija vajskoŭcy ŭsio čaściej pierachoplivajuć BPŁA praciŭnika z dapamohaj dronaŭ. Tolki za apošnija tydni žniŭnia ŭkrainskija bieśpiłotniki-pierachopniki źbili bolš za sotniu rasijskich bieśpiłotnikaŭ-raźviedčykaŭ.
Zvyčajna heta bieśpiłotniki vajskovaha kłasa: Supercam S350, ZALA 421-16E i «Arłan-10», jakija vykarystoŭvajucca rasijskim bokam dla raźviedki pryfrantavoj i tyłavoj terytoryi Ukrainy i dla naviadzieńnia artyleryi i baražujučych bojeprypasaŭ.
Sam ža pierachop robicca ŭ asnoŭnym madernizavanymi dla takich zadač FPV-bieśpiłotnikami z askiepkava-fuhasnaj bajavoj častkaj kantaktnaha dziejańnia abo z dystancyjnym padryvam. Choć viadoma, što niekatoryja apieratary praktykujuć i inšyja mietady źbivańnia, u pryvatnaści, taran.
Jak piša vydańnie, źbić varožy dron-kamikadze ŭdałosia z dapamohaj madyfikavanaha FPV-drona-pierachopnika.
Aŭtar tvitar-kanała Status-6 (Military & Conflict News) zaŭvažaje, što heta chiba što pieršy zafiksavany vypadak paśpiachovaha źniščeńnia rasijskaha «Izdielija-51».
Rasijskija baražujučyja bieśpiłotniki «Łancet» stali adnoj z samych vialikich niebiaśpiek dla ŭkrainskaj armii. Praciŭnik ich vykarystoŭvaje dla źniščeńnia braniatechniki i artyleryi dy inšych važnych abjektaŭ na poli boju i ŭ blizkim tyle.
Vykarystańnie bieśpiłotnikaŭ u jakaści mietadu supraćpavietranaj abarony — heta novaja ideja, jakuju ŭpieršyniu na praktycy ŭ režymie realnaj vajny realizavali Uzbrojenyja siły Ukrainy. Ich padšturchnuŭ da hetaha deficyt kłasičnych srodkaŭ supraćpavietranaj abarony va ŭmovach supraćstajańnia z našmat bolš mocnym praciŭnikam.
Va Ukrainie zajavili, što stvaryli svaje drony-kamikadze, jakija pavinny stać adkazam rasijskim «Łancetam»
Ci moža supraćdronavaja strelba źbivać drony «Łancet»?
Ukrainskija vajskoŭcy stali vykarystoŭvać novy dron. Jon vypalvaje terytoryju pad saboj, jak sapraŭdny drakon
Ukrainskija vajskoŭcy stali vykarystoŭvać novuju chitraść ź bieśpiłotnikami
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ10
Kamientary