«Pałkoŭniki nam nie patrebnyja». Strałkova-Hirkina ŭsio ž nie adpraviać z kałonii na vajnu
Byłomu ministru abarony «DNR», jaki adbyvaje termin u kałonii, dvojčy admovili ŭ adpraŭcy na front va Ukrainu.
Były lidar prarasiejskich sieparatystaŭ na Danbasie Ihar Strałkoŭ-Hirkin nie pakinie kałoniju daterminova.
Rasiejskija ŭłady admovili jamu ŭ adpraŭcy na vajnu, piša Mash.
«Ja źviartaŭsia da pradstaŭnikoŭ vajenkamata, jakija naviedvajuć VK, ale dvojčy atrymaŭ admovu navat u pryniaćci ad mianie zajavy. Adzin raz — z matyviroŭkaj «pałkoŭniki nam nie patrebnyja», — navat artykuł u jakaści matyvu admovy nie zhadvali. Pakul ničoha ŭ dadzienym płanie nie źmianiłasia», — havorycca ŭ liście Hirkina.
Žonka eks-supracoŭnika FSB taksama abvierhła infarmacyju ab tym, što jaho adpraviać na front. Pavodle jaje słoŭ, ekstremiscki artykuł, pa jakim sudzili Hirkina, nie praduhledžvaje «pieravychavańnia na vajnie».
Hirkin padavaŭ niekalki prašeńniaŭ ab adpraŭcy na vajnu, adnak jamu znoŭ było admoŭlena. Apošnija admovy pryjšli jakraz 11 vieraśnia.
U studzieni 2024 hoda eks-ministr abarony «DNR» atrymaŭ čatyry hady kałonii za zakliki da ažyćciaŭleńnia ekstremisckaj dziejnaści. Pakarańnie Hirkin adbyvaje ŭ kałonii ŭ Kiraŭskaj vobłaści.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary