Miadźviedzieŭ pryhraziŭ jadziernaj zbrojaj, kali vajna pryjdzie na terytoryju Biełarusi
Biełaruś budzie mieć prava źviarnucca da Rasii pa dazvoł na prymianieńnie taktyčnaj jadziernaj zbroi, kali prapanova ŭkrainskaha deputata ab pieranosie vajny ŭ Biełaruś budzie realizavanaja. Pra heta zajaviŭ namieśnik staršyni Rady biaśpieki Dźmitryj Miadźviedzieŭ u svaim telehram-kanale.
Tak jon adreahavaŭ na słovy deputata Viarchoŭnaj rady ad partyi «Słuha naroda» Aleha Dundy.
«Niejkaja śmiardziučaja kijeŭskaja Dunda prapanavała pieranieści vajnu ŭ Biełaruś. Nu tady ŭ Alaksandra Ryhoraviča budzie poŭnaja padstava źviarnucca da Rasii dla vykarystańnia raźmieščanaj u Biełarusi TIAZ. I jamu ciažka budzie admović u zadavalnieńni pahladzieć na ahieńčyki ŭ Kijevie», — napisaŭ Miadźviedzieŭ, viadomy svaimi adyjoznymi vykazvańniami.
Hety kamientar, prynamsi, pakazvaje druhasnaść pazicyi Alaksandra Łukašenki i biełaruskaha boku ŭ pytańni vykarystańnia jadziernaj zbroi, jakuju nibyta raźmiaścili na terytoryi Biełarusi, ale dakładnaha paćvierdžańnia hetaj infarmacyi niama.
Na Forumie svabodnaj Rasii ŭ Vilni deputat Viarchoŭnaj Rady Ukrainy Aleh Dunda zajaviŭ, što dla pieramohi Ukrainy patrebna pieranosić vajnu i na terytoryju Biełarusi.
Kamientary