Jak biełarusy robiać z chruščovak sučasnyja jeŭrakvatery FOTY
Vizitnaja kartka chruščovak — nizkija stoli i maleńkija kuchni pamieram ad 5,5 da 7 kvadrataŭ, jakija ŭłaśniki imknucca abjadnać z haścioŭniami. Pahladzieli, jak biełarusy robiać sučasnymi staryja savieckija kvatery.
Chruščoŭka ŭ skandynaŭskim styli
Adzin z prykładaŭ pieraroblenaj chruščoŭki — trochpakajovaja kvatera na Kiedyški, 3, u domie 1961 hoda pabudovy.
U kvatery abjadnali kuchniu z haścioŭniaj, krychu pierarabili kalidor i vanny pakoj.
U zonie kuchni ŭzdoŭž adnoj ściany raźmiaścili varačnuju panel, vyciažku, mikrachvaloŭku, duchavuju šafu. Pad aknom na ŭsiu daŭžyniu idzie stalnica z pracoŭnaj zonaj.
Źleva ad akna myjka i šafa dla posudu. Ladoŭnia staić tam, dzie raniej znachodziŭsia prachod z kalidora ŭ kuchniu.
Inšuju častku kalidora achviaravali dla pavieličeńnia vannaha pakoju. Tak źjaviłasia niša pad pralnuju mašynu. Na miescy maleńkaj vanny — prastornaja dušavaja kabina.
Za pieraroblenuju 3-pakajovuju chruščoŭku z ramontam u skandynaŭskim styli prosiać 130 tysiač dalaraŭ. Ahulnaja płošča — 59 m².
Try pamiaškańni ŭ adnym
Niekatoryja pry pierapłaniroŭcy abjadnoŭvać u adno pamiaškańnie nie tolki kuchniu i haścioŭniu, ale i kalidor, paśla čaho ŭ kvatery źjaŭlajecca adno vialikaje pamiaškańnie, jak heta časta robiać u tak zvanych «jeŭrakvaterach».
Tak zrabili ŭ trochpakajovaj kvatery pa adrasie Kozyraŭskaja, 35/1. Ahulnaja płošča kvatery 53 m². Znachodzicca jana na piatym paviersie piacipaviarchovaha doma 1967 hoda pabudovy.
Prosiać za jaje 78 800 dalaraŭ.
Kardynalnaje pierapłanavańnie
Prykład kardynalnaj pierapłaniroŭki žytła — kvatera na Šaŭčenka, 26, što pobač z kinateatram «Kijeŭ». Heta dom 1963 hoda pabudovy.
Tam nie tolki abjadnali haścioŭniu z kuchniaj i kalidoram, a jašče i pierabudavali ścieny ŭ spalnym pakoi, znajšli miesca dla harderobnaj i zamianili akonny prajom.
Praŭda, praz takuju pierabudovu spalni zastałasia płošča ŭsiaho 9,2 m² i niapravilnaja hieamietryčnaja forma ŭ dadatak.
Sa spalni dźviery viaduć u harderobnuju, uvachod u jakuju stylizavany pad šafu.
Ahulnaja płošča kvatery — 41,5 m². Pradaviec aceńvaje jaje ŭ 115 tysiač dalaraŭ.
Jeŭratrochpakajoŭka z asobnym vannym pakojem
Jašče adzin prykład pierarobki chruščoŭki ŭ bolš sučasnaje žytło — trochpakajoŭka pa adrasie Nadzieždzinskaja, 3.
U kvatery pazbavilisia kalidora, jaki vioŭ z prychožaj u kuchniu. Na jaho miescy źjaviłasia prybiralnia, za košt čaho vanny pakoj staŭ asobnym.
Častku kalidora pakinuli pad nišu dla ladoŭni. Trapić u kuchonny pakoj možna praz haścioŭniu.
U kuchni zrabili padvakońnik, jakija adnačasova słužyć barnaj stojkaj i stalnicaj.
Ścianu pamiž pamiaškańniami razburyli, ale pakinuli mahčymaść adździalić kuchniu ad haścioŭni dziakujučy rassoŭnym dźviaram.
Za pieraroblenuju trochpakajoŭku z maksimalna prachadnoj haścioŭniaj prosiać 90 tysiač dalaraŭ. Ahulnaja płošča pamiaškańnia — amal 50 «kvadrataŭ».
Ciapier čytajuć
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami27
Kamientary