Piaskoŭ: Kramlu nie padychodzić varyjant zamarozki vajny va Ukrainie
Kramlu nie padychodzić varyjant zamarozki vajny va Ukrainie, paviedamiŭ pres-sakratar prezidenta Dźmitryj Piaskoŭ, kamientujučy publikacyju Reuters pra hatoŭnaść Uładzimira Pucina abmierkavać damovu ab spynieńni ahniu, piša «Novaja hazieta. Jeŭropa».
«Prezident nieadnarazova, a dakładniej, pastajanna zajaŭlaje, što jon hatovy da kantaktaŭ i pieramovaŭ. Prezident taksama ŭžo kazaŭ, što niejki varyjant zamarozki kanfliktu nam nie padydzie. Nam važna dasiahnuć svaich metaŭ, jakija ŭsim dobra viadomyja», — raspavioŭ pres-sakratar.
Raniej ahienctva Reuters sa spasyłkaj na piać krynic paviedamiła, što Uładzimir Pucin hatovy abmierkavać z abranym prezidentam ZŠA Donaldam Trampam damovu ab spynieńni ahniu va Ukrainie. Adnak jon nie žadaje rabić surjoznyja terytaryjalnyja sastupki i patrabuje, kab Kijeŭ admoviŭsia ad ustupleńnia ŭ NATA.
Razam z tym Rasija hatova abmierkavać pytańnie ab harantyjach biaśpieki dla Kijeva, a taksama nastojvać na pahadnieńni z Ukrainaj ab abmiežavańni kolkaści jaje ŭzbrojenych sił i abaviazacielstvach nie abmiažoŭvać vykarystańnie ruskaj movy.
Troje surazmoŭcaŭ ahienctva ličać, što mahčymyja pieramovy nakont dakładnaha padziełu častkova akupavanych Danieckaj, Łuhanskaj, Zaparožskaj i Chiersonskaj abłaściej. Taksama dvoje čynoŭnikaŭ ličać, što Rasija hatova adstupić ź nievialikich učastkaŭ terytoryi ŭ Charkaŭskaj i Mikałajeŭskaj abłaściach.
Kamientary
https://www.unian.ua/world/viyna-v-ukrajini-putin-gotoviy-do-peregovoriv-z-trampom-12825990.html