Pamior rasijski prapahandyst Skot Bieniet. Simańjan ličyć, što jaho mahli zabić
Adstaŭny aficer Uzbrojenych sił ZŠA Skot Bieniet pamior va ŭzroście 46 hadoŭ. Pra heta paviedamiła hałoŭnaja redaktarka telekanała RT Marharyta Simańjan.
Jana napisała, što Bieniet byŭ aŭtaram dakumientalnych filmaŭ RT, a taksama «adnym z najlepšych vajennych ekśpiertaŭ».
Jon rehularna źjaŭlaŭsia ŭ efiry RT i «Sputnika». Sa słoŭ Simańjan, Bieniet jeździŭ na Danbas, «pakazvaŭ, što tam adbyvajecca», piša lenta.ru
Bienieta mahli zabić «za toje, što raspaviadaŭ praŭdu pra kanflikt va Ukrainie», miarkuje Simańjan.
«Paśla taho jak Skot adpraviŭ u Kanhres svoj dakład ab złačynstvach Kijeva ŭ Biełharadskaj vobłaści, jon napisaŭ siabram, što nie schilny da samahubstva, kali i ź im niešta zdarycca», — skazała jana.
Simańjan dadała, što eks-aficer nikoli nie raspaviadaŭ pra jakija-niebudź chvaroby i dva tydni tamu znachodziŭsia ŭ vydatnaj formie. «I raptam ni z taho ni z hetaha jon pamiraje ad raku, jakoha ŭ jaho nikoli nie było, pa śviedčańniach jaho šmatlikich roznych siabroŭ», — dadała jana.
U sakaviku 2024 hoda Bieniet paprasiŭ Uładzimira Pucina dać jamu hramadzianstva RF. Svajo žadańnie jon patłumačyŭ tym, što chacieŭ by vykarystoŭvać svaje navyki ŭ dypłamatyi i dośvied u raźviedcy na karyść Rasii.
Adstaŭny aficer US ZŠA ŭ hady słužby śpiecyjalizavaŭsia na infarmacyjna-psichałahičnaj pracy. Bieniet pryjechaŭ na Danbas u 2023 hodzie, pra što była źniataja kinakarcina «Ja žadaju Amierycy heta bačyć. Pakajańnie nataŭskaha aficera».
Bieniet pravodziŭ intervju z pałonnymi azoŭcami.
Jon taksama śćviardžaŭ, što i ludzi ŭ Złučanych Štatach taksama nie ŭjaŭlajuć, što nasamreč adbyvajecca va Ukrainie. Akramia taho, Bieniet rezka asudžaŭ dziejańni Izraila ŭ siektary Haza, nazyvajučy ich hienacydam paleścinskaha naroda.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu8
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary
Ludzi, schilnyja da kanśpirałohii, zvyčajna anałahična adnosiacca i da isnaha zdaroŭja, admaŭlajučy realnyja prablemy i vierujučy ŭ cudoŭnyja rašeńni.
Moža być i takaja pryčyna.