Kolkaść achviar teraktu ŭ Hiermanii vyrasła da čatyroch, paciarpiełych — da 205
Viečaram 20 śniežnia aŭtamabil prataraniŭ natoŭp na kirmašy. Vadzicielem akazaŭsia doktar i ŭciakač z Saudaŭskaj Aravii, jaki žyvie ŭ Hiermanii z 2006 hoda.
Kolkaść achviar najezdu aŭtamabila na natoŭp na kaladnym kirmašy ŭ Mahdeburhu pavialičyłasia da čatyroch, bolš za 200 čałaviek paciarpieli, paviedamlaje Bild sa spasyłkaj na danyja miascovaj palicyi.
U ciažkim stanie znachodzicca 41 čałaviek, jašče 86 znachodziacca ŭ balnicach z traŭmami siaredniaj stupieni ciažkaści. 78 čałaviek atrymali lohkija ranieńni.
Viečaram 20 śniežnia ŭ natoŭp na kirmašy ŭjechaŭ čorny BMW, jaki, pavodle źviestak palicyi, prajechaŭ «nie mienš za 400 m». Kiroŭca aŭtamabila byŭ apieratyŭna zatrymany. Im, pavodle słoŭ premjer-ministra ziamli Saksonija-Anchalt Rajnera Chaziełafa, akazaŭsia doktar Saudaŭskaj Aravii, jaki pracuje ŭ Biernburhu (znachodzicca prykładna za 300 km ad Mahdeburha).
Berliner Zeitung taksama adznačaje, što zatrymany byŭ viadomy ŭładam Hiermanii jak antyisłamist.
Pavodle infarmacyi haziety, mužčynu zavuć Taleb al-Abdułmachsien. Jon žyvie ŭ Hiermanii z 2006 hoda i maje pastajanny dazvoł na žycharstva. Mužčyna pryjechaŭ u krainu ŭ jakaści zaprošanaha doktara padčas navučańnia na psichaterapieŭta, a paźniej padaŭ zajavu na pradastaŭleńnie prytułku, bo jamu pahražali śmierciu za adstupnictva ad isłamu.
Ciapier čytajuć
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary