Delta Bank vyklučyli z Adzinaha dziaržaŭnaha rehistra jurydyčnych asob i indyvidualnych pradprymalnikaŭ, paviedamili ŭ pres-słužbie Nacyjanalnaha banka Biełarusi.
Adpaviednaja pastanova praŭleńnia Nacbanka była pryniataja 30 śniežnia.
«Zakrytaje akcyjaniernaje tavarystva «Delta Bank» vyklučana z Adzinaha dziaržaŭnaha rehistra jurydyčnych asob i indyvidualnych pradprymalnikaŭ», — havorycca ŭ paviedamleńni.
Rašeńnie ab vyklučeńni z rejestra było zasnavana na vyznačeńni ab zaviaršeńni likvidacyjnaj vytvorčaści, jakuju vynies Viarchoŭny sud 30 vieraśnia.
Licenziju ŭ biełaruskaha Delta Banka Nacbank adklikaŭ amal 10 hadoŭ tamu — u sakaviku 2015 hoda. Paźniej pa rašeńni Viarchoŭnaha suda ab pryznańni banka ekanamična niepłaciežazdolnym pačałasia pracedura jaho bankructva. Jak paviedamlaŭ Śledčy kamitet, bankructva banka stała nastupstvam niezakonnaha vyvadu hrašovych srodkaŭ i kapitału.
Ciapier čytajuć
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak9
Kamientary