Rasijski tankier straciŭ kiravańnie i drejfuje kala niamieckaha vostrava
Rasijski tankier Eventin, jaki pieravozić kala 99 000 ton nafty, straciŭ kiravańnie i drejfuje na poŭnač ad niamieckaha vostrava Ruhien u Bałtyjskim mory. Sudna daŭžynioj amal 250 mietraŭ chodzić pad ściaham Panamy.
Paviedamlajecca, što Eventin zahruziŭ naftu ŭ rasijskim bałtyjskim porcie Uść-Łuha i vyjšaŭ u mora 6 studzienia.
Pavodle danych servisa MarineTraffic, jahonym portam pryznačeńnia byŭ zajaŭleny Port-Said u Jehipcie, adnak, jak śviedčać dadzienyja adkrytych marskich baz, jahonyja apošnija rejsy pravodzilisia ŭ indyjski port Višakchapatnam, dzie Indyja aktyŭna kuplaje rasijskuju naftu nasupierak zachodnim sankcyjam.
Eventin źjaŭlajecca častkaj tak zvanaha «cieniavoha fłotu» Rasii, jaki składajecca z bolš čym 100 starych tankieraŭ i hruzavych sudnaŭ, jakija kiepska absłuhoŭvajucca. Hetyja sudny vykarystoŭvajuć «zručnyja» ściahi, što dazvalaje chavać infarmacyju pra ich uładalnikaŭ i abychodzić mižnarodnyja sankcyi.
Eventin byŭ pabudavany ŭ 2006 hodzie pad imiem Storviken i chadziŭ pad ściaham Narviehii, a ŭ 2022 hodzie byŭ zarehistravany ŭ Panamie. U červieni 2024 hoda sudna atrymała svaju ciapierašniuju nazvu.
Pavodle infarmacyi vydańnia Norddeutscher Rundfunk, da tankiera nakiravanyja dva buksiry i šmatmetavy karabiel «Arkona» z-za pahrozy štormu.
Pryčyny straty sudnam kiravańnia pakul nieviadomyja.
Bieły dom abjaviŭ pra ŭviadzieńnie samych maštabnych sankcyj suprać rasijskaha enierhietyčnaha siektara
ZŠA vymusili Kitaj zakryć svaje bujnyja porty dla rasijskaha «cieniavoha fłotu»
Finlandyja vyjaviła ślady ad jakara na dnie Bałtyjskaha mora paśla paškodžańnia kabiela
U Krasnadarskim krai — ekałahičnaja katastrofa paśla raźlivu mazutu z zatanułych tankieraŭ
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary