Rasijskaja kampanija «Narnikiel» i biełaruski BiełAZ padpisali pahadnieńnie ab vytvorčaści padziemnych samazvałaŭ i pahruzačna-dastaŭčych mašyn (PDM), piša «Kommiersant».
Bolšaja častka rynku hornaj techniki ŭ Rasii siońnia naležyć kitajskim vytvorcam, jakija zabiaśpiečvajuć da 70% pastavak. Adnak takaja technika časta nie adpaviadaje patrabavańniam dla pracy ŭ surovych umovach paŭnočnych rehijonaŭ, i jaje ekspłuatacyja supravadžajecca prablemami. Ramont časta abychodzicca daražej za novuju mašynu. Tamu, jak śćviardžajecca, «Narnikiel» i vyrašyŭ dapamahčy BiełAZu chutčej naładzić vypusk sučasnaj techniki, kab prynamsi častkova zadavolić uzrosły popyt.
Hiendyrektar BiełAZa Siarhiej Lesin padkreślivaje, što hetaja inicyjatyva adkryvaje novyja mahčymaści dla pradpryjemstva, jakoje raniej śpiecyjalizavałasia na technicy dla pavierchnievych rabot.
U hornaj technicy i zapčastkach da jaje siońnia majuć patrebu ŭsie rasijskija hornazdabyŭnyja kampanii. Siaredniehadavaja patreba rasijskich kampanij u hornaj technicy — kala 300 adzinak, ź jakich pałova prypadaje na «Narnikiel», aceńvajuć patreby rynku ŭ samoj hetaj kampanii. Miž tym ułasnaja vytvorčaść patrebnych mašyn amal adsutničaje.
Na siońniašni dzień u šachtach «Narnikiela» ŭžo pracujuć šeść padziemnych samazvałaŭ ad BiełAZa, a ŭ lutym płanujecca adpraŭka novaj PDM, sabranaj z ulikam rekamiendacyj kampanii. U ramkach partniorstva kampanii płanujuć naładzić vytvorčaść i pastaŭki zapčastak, a taksama arhanizavać servis i kapitalny ramont techniki.
Ciapier čytajuć
Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom2
Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary