ZŠA i Ukraina znachodziacca na finalnaj stadyi pieramoŭ pa pahadnieńni ab karysnych vykapniach
Pra mahčymaść chutkaha padpisańnia pahadnieńnia paviedamiła 24 lutaha vice-premjerka Ukrainy Volha Stefanišyna. Try dni tamu pra heta zajaŭlaŭ daradca Donalda Trampa pa nacyjanalnaj biaśpiecy Majk Uołtc.
«Ukrainskaja i amierykanskaja kamandy znachodziacca na finalnaj stadyi pieramoŭ pa pahadnieńni ab karysnych vykapniach. Pieramovy byli vielmi kanstruktyŭnymi, i amal usie klučavyja detali byli ŭzhodnienyja», — napisała Stefanišyna ŭ sacsietcy X, dadaŭšy, što Tramp i Zialenski mohuć padpisać jaho ŭ Vašynhtonie «ŭ samy najbližejšy čas, kab prademanstravać našu prychilnaść (dvuchbakovamu supracoŭnictvu) na dziesiacihodździ napierad».
Raniej prezident ZŠA Donald Tramp zajaviŭ, što Ukraina pavinna dać ZŠA 500 miljardaŭ dalaraŭ u vyhladzie krytyčna važnaj syraviny ŭ jakaści kampiensacyi za dapamohu, atrymanuju Kijevam ad papiaredniaj administracyi.
Zialenski zajaviŭ, što Vašynhton nadaŭ jahonaj krainie ŭzbrajeńnia na sumu 67 miljardaŭ dalaraŭ i pramuju biudžetnuju padtrymku na 31,5 miljarda dalaraŭ. Jon zaklikaŭ ZŠA dać Ukrainie kankretnyja harantyi biaśpieki ŭ abmien na dostup da najvažniejšych resursaŭ.
Novaja redakcyja pahadnieńnia Ukrainy z ZŠA ab karysnych vykapniach moža być jašče kabalniejšaj za papiaredniuju
Zialenski pakul nie hatovy padpisać pahadnieńnie z ZŠA ab karysnych vykapniach
ZŠA prapanavali Kijevu abnoŭleny prajekt pahadnieńnia pa karysnych vykapniach
Daradca Trampa źviazaŭ jaho rezkija zajavy ab Ukrainie z zatrymkaj «pahadnieńnia pa karysnych vykapniach»
Ciapier čytajuć
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary