U Biełarusi farmirujucca vajskovyja ešałony, što moža śviedčyć pra maštabnyja vajskovyja pieravozki, zaŭvažyła «Supolnaść čyhunačnikaŭ Biełarusi».
Z 3 lutaha 2025 hoda pravodzicca pravierka bajavoj hatoŭnaści Uzbrojenych Sił Biełarusi, u miežach jakoj vykarystoŭvajecca čyhunačny transpart dla pieravozki vojskaŭ, techniki i bojeprypasaŭ.
Z 18 lutaha na stancyi Bahatyrova (Minskaja vobłaść) pačali adbor pasažyrskich i hruzavych vahonaŭ na zamovu Ministerstva abarony. Padrychtavana 48 pasažyrskich vahonaŭ, jakija nakiroŭvajucca da bujnych vajskovych čaściej u roznych haradach krainy: Minsk (Azieryšča), Barysaŭ, Zasłonava, Łasosna, Słonim. Vahony pieravažna ŭ niezdavalniajučym stanie, ale prydatnyja dla pieravozki.
Standartny vajskovy ešałon uklučaje 2-3 pasažyrskija vahony, 10-20 płatformaŭ z technikaj i 3-5 krytych vahonaŭ z bojeprypasami. Ahulnaja kolkaść sfarmavanych ešałonaŭ moža dasiahać 16.
Častka vahonaŭ užo viarnułasia paśla pieravozak, ale praces praciahvajecca. Pavyšany ŭzrovień sakretnaści moža śviedčyć pra značnaść apieracyi.
Kamientary
Raniej nie adzin vuazik z vajenaj častki nie vyjezžaŭ nieprykmiečanym.
A zaraz dyvizii ešiełonami iduć i ničoha nie słychać