«My mahli b zasłuchać jaho jak druhi bok». Kyrhyzstan viadzie pieramovy ab viartańni Kurmanbieka Bakijeva
U kyrhyzskim siehmiencie internecie stali raspaŭsiudžvacca čutki pra toje, što Maksim Bakijeŭ, syn byłoha prezidenta Kurmanbieka Bakijeva, nibyta prylacieŭ u Biškiek na pryvatnym samalocie. Hetyja čutki vyklikali aktyŭnyja dyskusii ŭ kyrhyzskim hramadstvie, u suviazi z čym miascovaje infarmacyjnaje ahienctva «Kabar» apublikavała kamientar ciapierašniaha prezidenta krainy Sadyra Žaparava.
Adkazvajučy na pytańnie, ci moža Maksim Bakijeŭ viarnucca ŭ Kyrhyzstan, i jakaja była b na heta reakcyja ŭładaŭ, Sadyr Žaparaŭ adkazaŭ, što syny byłoha prezidenta Kurbanbieka Bakijeva Maksim i Žanyš byli asudžanyja ŭ Kyrhyzstanie da pažyćciovaha źniavoleńnia. Tamu kali jany viernucca ŭ krainu, to adrazu trapiać u turmu, i sudovy prysud nie padlahaje pierahladu.
Tamu, maŭlaŭ, ich Kyrhyzstanu i nie vydajuć, «bo my nie možam nie pasadzić ich u turmu».
Što tyčycca samoha Kurmanbieka Bakijeva, pa to pa im nibyta viaducca pieramovy i jaho navat hatovyja pieradać pry ŭmovie, što ŭ Kyrhyzstanie jaho nie pasadziać.
Pavodle słoŭ prezidenta Kyrhyzstana, nad hetym u Biškieku «dumajuć». Maŭlaŭ, dobra było b, kab źbiehły palityk pryjechaŭ na radzimu i adkazaŭ na niekatoryja cikavyja pytańni:
«Toje ž tyčycca i Kurmanbieka Bakijeva. Kolki hrošaj zachoŭvałasia ŭ kletkach. Taksama abmiarkoŭvajecca vykradzieny z ofisa Maksima załaty kancentrat. Jaki byŭ jaho abjom u tonach? My mahli b zasłuchać jaho jak druhi bok pa padziejach krasavika, červienia i inšych spravach i, narešcie, pastavić u ich kropku. Bo narod užo 15 hadoŭ patrabuje: «Čamu nie možacie dastavić ich z toj ža Maskvy ci Minska?»
Kurmanbiek Bakijeŭ byŭ prezidentam Kyrhyzstana ŭ 2005-2010 hadach. Jon atrymaŭ uładu paśla hvałtoŭnaha źviaržeńnia pieršaha prezidenta krainy Askara Akajeva, ale praź piać hadoŭ musiŭ uciakać ad narodnaha hnievu ŭžo sam. Tady Bakijeŭ ź siamjoj i paplečnikami pierabraŭsia ŭ Biełaruś, dzie Łukašenka daŭ im palityčny prytułak.
Kyrhyzstan, u jakim z taho času ŭžo nie raz mianiałasia ŭłada, nieadnarazova prasiŭ i patrabavaŭ vydačy Bakijeva, ale kožny raz atrymlivaŭ admovu. Pry hetym Kurmanbiek Bakijeŭ razam ź jahonymi siamiejnikami ŭžo daŭno majuć biełaruskaje hramadzianstva.
«Zakir Salijeŭ». Łukašenka zabiaśpiečyŭ siamju Bakijevych pašpartami Biełarusi ŭ dvuch varyjantach, jak robiać z ahientami. Heta dazvoliła Bakijevu zaklučyć druhi šlub paralelna — rasśledavańnie
Bakijeŭ choča viarnucca ŭ Kyrhyzstan?
Na novym zavodzie Łukašenku dakładvaŭ čałaviek azijackaha pachodžańnia, jakoha toj nazyvaŭ Daniiłam. Chto heta?
«Z bolem u sercy. Ale ad kamientaroŭ ustrymajusia»: źbiehły ŭ Biełaruś Bakijeŭ prakamientavaŭ padziei ŭ Kyrhyzstanie
Łukašenka vydzieliŭ Bakijevu ŭčastak u 45 sotak kala svajoj rezidencyi. Voś dzie i dla čaho
Ciapier čytajuć
«Ja pra mužoŭ-biełarusaŭ čuju tolki: «Nikoli znoŭ!» Čamu bčb-niaviesta Ina Zajcava na hod źnikła z sacsietak i što ź joj ciapier?2
Kamientary