Dziaŭčyna z Estonii 6 hadoŭ vučycca ŭ Biełarusi na miedyka. Ale ciapier jaje mara stać chirurham pad pahrozaj
Estonka raspaviadaje, što płaciła za navučańnie kala 5 tysiač dalaraŭ štohod. Ale ciapier jana ŭ šoku ad źmien u zakanadaŭstvie i pierśpiektyvy adpracoŭki.
Safija — hramadzianka Estonii, ale vučycca na miedyka ŭ Biełarusi. Svajoj historyjaj jana padzialiłasia ŭ tyktoku. Adpraŭlać jaje ŭ Minsk na vučobu vyrašyli na siamiejnaj radzie: siarod arhumientaŭ było toje, što ŭ Biełarusi bolš praktyčnaja baza plus byŭ varyjant paśla atrymańnia dypłoma pajści vučycca dalej u ardynaturu na chirurha.
Tamu ŭ 2019 hodzie Safija pryjechała atrymoŭvać prafiesiju mary. Kaniečnie, studentcy-zamiežnicy treba było płacić za adukacyju. Ciapier jana zakančvaje šosty kurs. U kamientaryjach da svajho videa dziaŭčyna tłumačyć, čamu ciapier usie jaje płany na budučyniu pad pahrozaj — usio praź niečakanyja źmieny ŭ zakanadaŭstvie:
— Ja vučusia jak zamiežnica, bo ŭ mianie estonski pašpart. Ale z hetaha hoda ŭsie, u kaho jość dazvoł na žycharstva ŭ Biełarusi, pryraŭnoŭvajucca da biełarusaŭ, nie mohuć pastupać u ardynaturu i pavinny iści ŭ internaturu z adpracoŭkaj.
Safija zadaje rytaryčnaje pytańnie: navošta joj, hramadziancy inšaj krainy, jakaja choča stać chirurham i viarnucca na radzimu, internatura z adpracoŭkaj?
U kamientaryjach jaje sprabujuć suciešyć. Pišuć: «Zatoje jakaja praktyka budzie». Ale dziaŭčynu taki varyjant nie zadavalniaje. Jana śćviardžaje, što zamiežnikaŭ adpraŭlajuć u internaturu tolki jak daktaroŭ ahulnaj praktyki.
— A značyć, mianie i raźmiarkujuć jak doktara ahulnaj praktyki, a ja siudy jechała nie pa heta. Terapieŭtam ja mahła stać i na radzimie.
Safija piša, što była hatovaja patracić jašče 5 hadoŭ na toje, kab stać chirurham. Ale nijak nie 10-13.
— Dla taho, kab trapić u internaturu pa chirurhii, dziaŭčyncy treba sa skury preč vyskačyć, potym adpracavać tut 2 hady, potym u ardynaturu pa ahulnaj chirurhii na 2 hady, potym adpracoŭka 5 hadoŭ.
Niechta prapanoŭvaje Safii zastavacca ŭ Biełarusi, bo krainie patrebnyja dobryja śpiecyjalisty. Dziaŭčyna pryznajecca, što kali b joj dali narmalna advučycca na chirurha, to jana b razhladzieła taki varyjant.
Biełaruska patrabavała ad daktaroŭ 100 tysiač rubloŭ za śmierć syna ŭ balnicy. Voś što vyrašyŭ sud
U dziciačaj paliklinicy Kobryna rastłumačyli, čamu nieŭrołah pracuje tolki dźvie hadziny na dzień
Maładych insultaŭ stała bolš: minskija daktary raskazali pra 15-hadovuju pacyjentku
«Nabiaruć bolš studentaŭ, ale što rabić 6-7 hadoŭ?» Miedyk pra toje, jak ułady zmahajucca ź niedachopam daktaroŭ i što treba rabić
Kamientary
[Zredahavana]