Biełaruskaja padsankcyjnaja kampanija zakuplaje abstalavańnie ŭ ZŠA
Pra damovu pamiž biełaruskim «Płanaram» i amierykanskim Teksoli, Inc. stała viadoma Belpol.
Dakumient ab supracoŭnictvie kampanii padpisali 5 listapada 2024 hoda. Jon praduhledžvaje pastaŭku kamplektaŭ standartnych paŭpravadnikovych płaścin z naniesienymi łateksnymi śfierami na ahulnuju sumu 10 235 dalaraŭ ZŠA.
Biełaruski «Płanar» pry hetym sa śniežnia 2023 hoda znachodzicca ŭ sankcyjnym śpisie ZŠA. Akramia ZŠA, u 2024 hodzie sankcyi suprać biełaruskaj firmy ŭviali Vialikabrytanija, Aŭstralija i Kanada.
Chołdynh «Płanar» źjaŭlajecca častkaj inavacyjna-pramysłovaha kłastara «Mikra-, opta – i ZVČ-elektronika», stvoranaha ŭ 2017 hodzie ŭ Biełarusi. Kampanija aktyŭna ŭdzielničaje ŭ sumiesnym rasijska-biełaruskim centry, jaki zajmajecca raspracoŭkaj i vytvorčaściu fotašabłonaŭ dla matryc čypaŭ u halinie elektronnaj techniki.
Kampanija pastaŭlaje abstalavańnie i šabłony dla rasijskich vytvorcaŭ mikraschiem i biełaruskaha «Intehrała».
«Bolš za 50% pradukcyi «Intehrała» składajuć mikraschiemy vajennaha pryznačeńnia, vytvorčaść jakich značna pavialičyłasia z pačatkam vajennych dziejańniaŭ va Ukrainie», — piša Belpol.
Padsankcyjny «Płanar» zaŭvažyli i ŭ pracy na rasijski navukova-daśledčaha instytuta «Polus», jaki ŭvachodzić u «Rostiech».
Ciapier čytajuć
Na BT zrabili film pra toje, jak biełarusy ledź vyžyvajuć u Jeŭropie. Kab zapisać videa, hierojaŭ žorstka padmanuli5
Kamientary
Jasna, što heta dapamahaje ad sieciavych atak. Ale padumajcie, kali łaska, pra svaich čytačoŭ u RB, dajcie mahčymaść zachodzić na sajt praz VPN.
Čitať možno, a nakažut za podpiski, łajki, rieposty v socsietiach/mieśsiendžierach.