Dublorka Vasileŭskaj maryć pravieści pieršuju chirurhičnuju apieracyju ŭ kosmasie
Na siońniašni dzień Anastasija Lankova — samy pierśpiektyŭny čałaviek u krainie z punktu hledžańnia hatoŭnaści ŭ kosmas, śćviardžaje STB, jaki pahavaryŭ ź joj.
Anastasija Lankova była dublorkaj Maryny Vasileŭskaj u 2024-m i, viadoma, svoj kaśmičny palot nie ździejśniła i skazała telekanału, što maryć pravieści pieršuju chirurhičnuju apieracyju ŭ kosmasie.
Anastasija ciapier pracuje ŭ RNPC ankałohii imia Alaksandrava, a taksama vučycca ŭ aśpirantury, piša kandydackuju dysiertacyju, zaviaršaje ardynaturu pa pramianiovaj dyjahnostycy i maryć pra kosmas.
— Mnohija rečy, jakija byli zrobleny ŭ biazvažkaści (nie toje kab zrobleny, jany chutčej byli vyprabavanyja ŭ biazvažkaści) ciapier, na siońniašni momant, prymianiajucca na Ziamli. Tamu heta padajecca, što my tam užo ŭsio adkryli, usio zrabili, tam vielmi šmat jašče čaho jość. I samaje hałoŭnaje — prymianić na Ziamli, — kaža Lankova.
Jak chirurhu joj chaciełasia b pravieści pieršuju chirurhičnuju apieracyju ŭ kosmasie:
— Takoje jašče nichto nie pravodziŭ. Viadoma, moža być, spačatku, naturalna, nie na čałavieku, a na žyviole, ale adpracavać samu mietodyku, ałharytm, jak heta my budziem rabić, heta było b vielmi vydatna.
Lankova spadziajecca na źjaŭleńnie biełaruskaha kaśmičnaha atrada ci kvot dla biełarusaŭ u atradzie rasijskim.
— Ź ciaham času razumieješ, jaki heta byŭ ščaślivy bilet, jaki realna padaryŭ tabie mahčymaść, hety šaniec, padaryŭ hetuju maru. I tak, ź ciaham času ja zrazumieła, što heta byŭ vydatny vopyt, jaki adkryvaje vialikija pierśpiektyvy, — uzhadvaje svaju padrychtoŭku da palotu doktarka, jakaja maryć taksama palacieć u kosmas.
-
Za Nieptunam moža być jašče adna płanieta pamieram ź Ziamlu, pra jakuju raniej nie padazravali
-
Bunkiery, układańni ŭ źniešnaść zamiest rozumu. Bajučysia ery štučnaha intelektu, ludzi kidajucca ŭ krajnaści
-
Revalucyja ŭ biespravadnoj zaradcy: japoncy prapanujuć rašeńnie, jakoje moža kančatkova zamianić kabieli
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary