Padčas razmovy z žurnalistami prezident ZŠA zajaviŭ, što Rasija nibyta hatovaja zaklučyć damovu adnosna spynieńnia vajny va Ukrainie. Adnačasova jon adznačyŭ, što damovicca z prezidentam Uładzimiram Zialenskim akazałasia składaniej, čym jon čakaŭ, piša «Ukrainskaja praŭda».
Tramp zajaviŭ, što jon ličyć Rasiju hatovaj da pieramoŭ. Adnak, dla dasiahnieńnia mirnaha ŭrehulavańnia situacyi va Ukrainie, na jaho dumku, ciažka znajści ahulnuju movu z ukrainskim prezidentam.
«Na maju dumku, Rasija hatovaja. Šmat chto kazaŭ, što Rasija hatovaja pajści na ŭsio. Ale ja dumaju, što my majem damovu z Rasijaj. Nam treba dasiahnuć damovy ź Zialenskim. I ja spadziajusia, što Zialenski… Ja dumaŭ, što ź im budzie lahčej damovicca, ale pakul što heta było składaniej. Ale ničoha, usio dobra. Dy ja dumaju, što my majem damovu z abodvuma bakami. Ja spadziajusia, što jany jaje prymuć. My tracim šmat hrošaj. Ale tut idzie havorka pra čałaviečnaść», — skazaŭ amierykanski kiraŭnik.
Tramp čarhovy raz raskrytykavaŭ administracyju Džo Bajdena za maštabnyja vydatki na padtrymku Ukrainy.
«My tracim sotni miljardaŭ dalaraŭ praz Bajdena. Bajden nikoli nie pavinien byŭ dapuścić hetaj vajny. My tracim sotni miljardaŭ, mahčyma, 350 młrd dalaraŭ, jakija my dali Ukrainie, i my mahli b vykarystać hetyja hrošy prosta tut», — skazaŭ Tramp.
Raniej prezident ZŠA zajaviŭ, što pazicyja ŭkrainskaha prezidenta Uładzimira Zialenskaha adnosna niepryznańnia Krymu rasijskim škodzić mirnym pieramoŭnym pracesam.
Dziaržaŭny sakratar ZŠA Marka Rubia skazaŭ, što Złučanyja Štaty lepš zrazumieli, jakaja pazicyja Rasii adnosna jaje vajny suprać Ukrainy, bo «my narešcie parazmaŭlali ź imi paśla troch hadoŭ maŭčańnia».
Ciapier čytajuć
Pasadzili advakata Dźmitryja Łajeŭskaha, jaki abaraniaŭ Babaryku i Znaka8
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
Kamientary
Zakatav rukava, pomohajet putinu zachvatyvať Ukrainu.
Udobno dieliť čužoje, da jeŝio chočiet zarabotať na etom !
Blin, priedłahajet Ukrainie priznať zachvat Rośsijej jejo tierritorii i otkazaťsia ot nich !
A čto tieriajet Rośsija iz rośsijskich tierritorii ???
Kakije tierritorii Rośsija otdast Ukrainie, kak ona budiet razoružaťsia i sokraŝať svoju armiju ?
Vsio za sčiot Ukrainy !!!!
Dažie pochiŝiennych, ukrainskich dietiej vozvraŝať nie budiet !