Ministr abarony Pakistana zajaviŭ pra hatoŭnaść da poŭnamaštabnaj vajny ź Indyjaj
Pakistan hatovy adkazać na mahčymuju ahresiju z boku Indyi, zajaviŭ kiraŭnik Minabarony krainy Chavadža Asif na fonie abvastreńnia pamiž dźviuma jadziernymi dziaržavami paśla rasstrełu turystaŭ u sprečnym rehijonie Kašmir.
«My ŭzvažym naš adkaz na ŭsio, što inicyjuje Indyja. Heta budzie ŭzvažany adkaz. Kali adbudziecca poŭnamaštabnaja ataka abo niešta ŭ hetym duchu, to, vidavočna, budzie poŭnamaštabnaja vajna», — skazaŭ ministr u efiry Sky News.
26 čałaviek zahinuli i 17 atrymali ranieńni ŭ vyniku napadu nieviadomych bajevikoŭ u kantralujemaj Ńju-Deli častcy štata Kašmir minułaha aŭtorka. Indyja ŭskłała adkaznaść za napad na Pakistan, abviaściŭšy jaho aktam teraryzmu.
Adnak Asif abvierh hetaje śćviardžeńnie i vykazaŭ zdahadku, što Indyja «insceniravała» stralbu ŭ ramkach «apieracyi pad falšyvym ściaham».
Kiraŭnik vajennaha viedamstva papiaredziŭ, što pakistanskija vojski hatovyja da luboha raźvićcia padziej, ale vykazaŭ nadzieju na vyrašeńnie kanfliktu mirnym šlacham.
Ciapier čytajuć
Łukašenka apraŭdvajecca za ideju z pryjezdam 150 tysiač pakistancaŭ — heta, kab «zachavać naš narod»28
Kamientary