U vadajomie kala vioski Tarasava na pavierchni vady bačna miortvych rybin, a niepryjemny pach adčuvajecca na vialikaj adlehłaści. Ekałahičnyja słužby ŭžo adreahavali: byli ŭziaty proby vady dla łabaratornych daśledavańniaŭ, piša pristalica.by.
Dla razboru situacyi była stvorana kamisija z pradstaŭnikoŭ Ždanovickaha sielvykankama, rajonnaj inśpiekcyi achovy pryrody, vieterynarnaj słužby i pradstaŭnikoŭ ahrakambinata «Ždanovičy», jaki karystajecca hetym učastkam.
Pavodle słoŭ namieśnika dyrektara pradpryjemstva Alaksieja Piatrušy, hibiel ryby časta adbyvajecca letam, kali doŭha trymajecca vysokaja tempieratura. U hetym hodzie śpiakota pryjšła krychu paźniej, ale nastupstvy akazalisia padobnymi.
Rajvykankam daručyŭ ahrakambinatu arhanizavać ačystku vadajoma i vyvaz miortvaj ryby. Pracaŭniki pradpryjemstva ŭžo pačali pracu na miescy.
Pryčyny zdareńnia pakul nie vyśvietlenyja. U rajonnaj inśpiekcyi pryrodnych resursaŭ zajavili, što rabić vysnovy jašče rana — dakładnyja źviestki źjaviacca tolki paśla łabaratornych analizaŭ. Śpiecyjalisty prosiać nasielnictva pačakać vynikaŭ ekśpiertyzy.
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy35
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje8
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary