Źmianili praviły zabieśpiačeńnia armii transpartam u vajenny čas
Alaksandr Łukašenka 18 lipienia 2025 hoda padpisaŭ ukaz № 282, jaki ŭnosić źmieny ŭ raniejšy ŭkaz № 434 ad 14 žniŭnia 2001 hoda. Hety novy dakumient uviadzie dadatkovyja miery pa zabieśpiačeńni Uzbrojenych Sił i inšych vajskovych farmiravańniaŭ transpartnymi srodkami, uklučajučy bieśpiłotniki, jakija buduć vydzialacca dziaržaŭnymi orhanami i arhanizacyjami padčas mabilizacyi i ŭ vajenny čas.
Ciapier vajskova-transpartny abaviazak raspaŭsiudžvajecca nie tolki na dziaržaŭnyja orhany, ale i na inšyja arhanizacyi i navat na hramadzian, jakija atrymali transpart pa damovie finansavaha lizinhu.
Akramia taho, udakładniajecca, jak buduć vyznačacca mabilizacyjnyja zadańni dla pastaŭščykoŭ transpartu i jak ich uličvać padčas mabilizacyi.
Minabarony nadadzienyja paŭnamoctvy pa vyznačeńni śpisaŭ zapasnych častak, instrumientaŭ i invientaru, nieabchodnych dla pracy pastaŭlajemych transpartnych srodkaŭ.
Kantrol za vykanańniem vajskova-transpartnaha abaviazku budzie ažyćciaŭlać Saviet Ministraŭ.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary