Sinoptyk Dźmitryj Rabaŭ u efiry ANT raskazaŭ, što z 28 lipienia pa 3 žniŭnia atmaśfiernyja franty praciahnuć upłyvać na nadvorje — štodnia čakajucca daždžy, miescami z navalnicami, mocnymi zalevami i vietram.
Niahledziačy na apadki, zachavajecca ciapło. Načami tempieratura budzie trymacca ŭ miežach ad +14 da +19°C, a ŭdzień — ad +16 na zachadzie da +27 na ŭschodzie krainy.
U sieradu front znoŭ pryniasie vilhotnaje pavietra. Vilhotnaść budzie vysokaj — da 90%. Unačy +12…+18°C, udzień — ad +18 na paŭnočnym zachadzie da +29°C na paŭdniovym uschodzie.
U druhoj pałovie tydnia mahčymyja pierapynki ŭ daždžach z-za pavyšanaha atmaśfiernaha cisku, ale miescami ŭsio adno buduć apadki. Tempieratura ŭnačy +11…+16°C, udzień — ad +16 da +28°C.
U vychadnyja (3—4 žniŭnia) nadvorje znoŭ budzie vilhotnym. Karotkačasovyja daždžy, navalnicy, ranišnija tumany. Načnyja tempieratury +13…+17°C, udzień u subotu +25…+29°C, u niadzielu +23…+28°C.
Kamientary