Prezident Ukrainy Uładzimir Zialenski 11 žniŭnia zajaviŭ, što rasijskija vojski nie tolki nie rychtujucca da spynieńnia ahniu, a jakraz naadvarot — pieramiaščajucca dla pačatku novych nastupalnych apieracyj, piša «Ukrainskaja praŭda».
Pavodle słoŭ Uładzimira Zialenskaha, ukrainskaja raźviedka i vajskovaje kamandavańnie nie majuć nijakich źviestak pra toje, što Rasija atrymała sihnały rychtavacca da paślavajennaj situacyi. Zamiest hetaha Kreml praciahvaje vajennuju padrychtoŭku, a Uładzimir Pucin imkniecca pradstavić mahčymuju sustreču z ZŠA jak svaju asabistuju pieramohu i nadalej akazvać cisk na Ukrainu.
«U pryvatnaści, heta i padrychtoŭka vajennaja. Jon dakładna nie rychtujecca da spynieńnia ahniu i vajny. Pucin nastrojeny tolki na toje, kab padać sustreču z Amierykaj jak svaju asabistuju pieramohu i dalej praciahvać dziejničać tak, jak i raniej, cisnuć na Ukrainu tak, jak i raniej.
Nijakich prykmiet, što rasijanie atrymali sihnały rychtavacca da paślavajennaj situacyi, pakul niama. Naadvarot, jany pieramiaščajuć svaje vojski i siły takim čynam, kab pačać novyja nastupalnyja apieracyi», — zajaviŭ prezident Ukrainy.
Zialenski padkreśliŭ, što Ukraina praciahvaje infarmavać mižnarodnych partnioraŭ pra realny stan spraŭ na froncie, u dypłamatyi i ŭ płanach Rasii adnosna dalejšych dziejańniaŭ.
Jeŭrapiejskija lidary abmiarkujuć z Trampam mahčymy ŭdzieł Zialenskaha ŭ pieramovach na Alascy
Tramp na pieramovach z Pucinym pastarajecca viarnuć Ukrainie častku akupavanych terytoryj
Čamu mienavita Alasku abrali dla samitu Trampa i Pucina pa Ukrainie
Vice-prezident ZŠA vykazaŭsia pra mahčymuju sustreču Pucina, Zialenskaha i Trampa
Kamientary