Ministerstva zamiežnych spraŭ Biełarusi paćvierdziła infarmacyju ab zdareńni z hramadzianami Respubliki Biełaruś u Krymie. U viedamstvie paviedamili, što paciarpiełych dvoje, i jany atrymali ranieńni siaredniaj ciažkaści.
«Zhodna z udakładnienymi źviestkami, dvoje paciarpiełych atrymali ranieńni siaredniaj stupieni ciažkaści», — paviedamiŭ MZS.
Biełaruskija dypłamaty znachodziacca ŭ kantakcie z pravaachoŭnymi orhanami i miedycynskimi ŭstanovami.
«Pry nieabchodnaści hramadzianam budzie akazana ŭsiebakovaja padtrymka», — adznačyli ŭ viedamstvie.
Inšych padrabiaznaściaŭ pra asob, što byli paranieny ŭ Krymie, MZS nie pryviało.
TASS davodzić, što heta turysty, što hulali kala mora.
Rasijski kiraŭnik akupavanaha Kryma Siarhiej Aksionaŭ nočču zajaviŭ pra hibiel 3 i ranieńni 16 čałaviek u rajonie Farosa.
Ukraincy paviedamlali, što bieśpiłotniki źniščyli restaran u elitnym krymskim sanatoryi «Faros», jaki ŭčory byŭ zakryty na śpiecabsłuhoŭvańnie, bo tam mahli być «važnyja hości».
Taksama HUR Ukrainy siońnia zajaviŭ pra źniščeńnie dvuch samalotaŭ-amfibij i viertalota, supravadziŭšy heta videa.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram2
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Zvańni, proźviščy, miesca pracy?