Na tolki što adkrytaj polskaj miažy ŭžo ŭtvaryłasia čarha z troch tysiač aŭtamabilaŭ
Siońnia nočču Polšča adkryła miažu ź Biełaruśsiu, jakaja była zakryta z 12 vieraśnia.
Pa stanie na 06:00 ranicy čaćviarha, elektronnaja čarha fiksuje na pamiežnym pierachodzie «Brest» 3123 lehkavyja aŭtamabili i 45 aŭtobusaŭ. U «Kazłovičach» stajać 1015 hruzavych aŭto.
Da 8 ranicy čarha z aŭto źmienšyłasia — u joj stała 2946 lehkavikoŭ.
Biełaruskija mytniki na polskaj miažy pačali afarmlać transpart učora ŭ 23:15. Pieršy ž pasažyrski aŭtobus na polskich numarach akazaŭsia adnym z apošnich, jakija nie paśpieli pierasiekčy miažu pierad zakryćciom polskaha šłahbauma ŭ noč na 12 vieraśnia. Jon išoŭ pa maršrucie Homiel — Mahiloŭ — Brest — Varšava — Poznań.
Jašče napiaredadni aŭtobus nakiroŭvaŭsia da litoŭskaj miažy, adnak pa darozie pieravozčyku pastupiła paviedamleńnie, što Polšča viartaje adkryćcio miažy. Jany adrazu źmianili kirunak: pieravozčyk pieranakiravaŭ kiroŭcu i pasažyraŭ na biełaruska-polski ŭčastak. Hrupa čakała pierasiačeńnia miažy ź viečara 23 vieraśnia.
Na litoŭskaj miažy ŭ «Kamiennym Łohu» stajać siońnia ranicaj 260 lehkavikoŭ, u «Bieniakoniach» — 130.
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj22
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary