Na stancyi Kaladzičy pad Minskam uźnikli zatory pa hruzavych pieravozkach
Na čyhunačnaj stancyi Kaladzičy pad Minskam nazirajucca surjoznyja zatrymki z padačaj hruzaŭ. Jak paviedamlajuć łahistyčnyja kampanii, prablemy ŭźnikli z-za vialikich zatoraŭ na čyhuncy paśla taho, jak Polšča ŭ siaredzinie vieraśnia całkam zakryła miažu ź Biełaruśsiu, piša Office Life.
Aŭtamabilnyja pierachody «Kazłovičy» i «Brest», a taksama čatyry čyhunačnyja punkty nie pracavali z nočy na 12 vieraśnia ŭ suviazi z vučeńniami «Zachad-2025». Tolki ŭ noč na 25 vieraśnia ich znoŭ adkryli.
Za hety čas situacyja istotna ŭskładniłasia: u Breście «zachraśli» bolš za 130 hruzavych ciahnikoŭ. Pry hetym mienavita brescki pahranpierachod źjaŭlajecca asnoŭnym šlacham suchaputnych pastavak kitajskich tavaraŭ u Jeŭrasajuz: praz Polšču prachodzić kala 90% usich čyhunačnych pieravozak pamiž Kitajem i ES. Hadavy abjom hetych pieravozak pieravyšaje €25 miljardaŭ. Na dolu biełaruska-polskaha kalidora prypadaje 3,7% ad usioj handlovaj płyni pamiž Kitajem i Jeŭropaj.
Alternatyvy hetamu maršrutu pakul niama. Transkaśpijski mižnarodny transpartny kalidor, jaki idzie ŭ abchod Rasii i Biełarusi praz Kaśpijskaje mora, pracuje, ale jon patrabuje značna bolš času i nie raźličany na takija abjomy hruzaŭ.
U vyniku na stancyi Kaladzičy ŭźnikli zatory, i padaču hruzaŭ tam zatrymlivajuć. Niekatoryja ciahniki vymušana stajać u darozie pa 4—6 dzion. Adnak łahistyki miarkujuć, što na praciahu tydnia situacyja pavinna stabilizavacca, a tranzitnyja pieravozki viernucca da zvyčajnaha hrafiku.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty47
Kamientary